隨心 2006年08月10日
(6)Posted by 路人丙 on May 11, 1999 at 11:28:53:
In Reply to: Re: 商場內的聲音 posted by 小石 on May 11, 1999 at 00:34:49:
: 咁你都記得晒?? 8^O
: 喂!! 防走光褲一物三用果段野你識唔識背先? =P
喂喂喂！我地係絲襪佬短期散貨場，不在乎門面裝修，
祇在乎價格全港至平，各位街坊埋唻睇埋唻揀喇，有買
襯手…新張間內特價三天，最低祇係兩折起…
依家向大家介紹一隻神奇收肚褲，呢條神奇收肚褲唔同
一般外面既收肚褲，佢除左可以收肚腩外，仲可以收大
脾，兼且可以當走光褲著，正正式式一物三用……..
著左神奇收肚褲，包你靚靚身材返唻喇，靚靚身材返唻
喇，肥脂肪，拜拜喇，拜拜喇，仲可以當走光褲……
靚靚身材返唻喇，靚靚身材返唻喇………………
我地係絲襪佬短期散貨場，不在乎門面裝修，祇在乎價
格全港至平………… -_-” (好叉煩)
車到….
Posted by 斑紋 stripes on October 31, 1998 at 13:20:45:
發信人: benjamin (有晒事的「紋」), 信區: Arts_creation
標 題: ⊙《斑紋短褲》一九九八年十月廿八日
發信站: HKBU COMP Alumni BBS (Wed Oct 28 21:39:34 1998), 站內信件
〈上山容易落山？〉
重九，香港人得高人指點齊往山上，以避過家裡將會發生的大災難。
結果，當日山頂被數以萬計的香港人踩至扁平。
發信人: benjamin (有晒事的「紋」), 信區: Arts_creation
標 題: ⊙《斑紋短褲》一九九八年十月廿九日
發信站: HKBU COMP Alumni BBS (Thu Oct 29 00:48:44 1998), 站內信件
牛仔：老兄，我是來買馬的！
馬主：喂！你居然騎著牛來這裡買馬？！你怎樣面對你現在騎著的這
一頭牛？你的良心到哪裡去了？
發信人: benjamin (有晒事的「紋」), 信區: Arts_creation
標 題: ⊙《斑紋短褲》一九九八年十月三十日
發信站: HKBU COMP Alumni BBS (Fri Oct 30 07:36:34 1998), 站內信件
〈一言難盡〉
喜宴上，來賓送禮給一對新人：「小小禮物，請笑納！」
結果新郎新娘板起了臉孔。
因為，那份禮物是嬰兒玩具。
發信人: benjamin (有晒事的「紋」), 信區: Arts_creation
標 題: ⊙《斑紋短褲》一九九八年十月三十一日
發信站: HKBU COMP Alumni BBS (Sat Oct 31 01:10:08 1998), 站內信件
慳哥為了今晚「萬聖節化裝舞會」的扮相而費盡心機。
慳哥逛了不少百貨公司、玩具店，發現扮鬼用的化裝用品都很貴。
慳哥最後決定光顧北角某大酒店的化妝服務，卻遭那裡的化妝師一口
拒絕。
Posted by 糟糟 on April 12, 1999 at 11:52:03:
過多重覆的話語，往往成了最難實現的預言
情愛….透過無聲的表情在等待
然後….時間說明了最後的答案
有愛的人，把一輩子鎖在愛恨情結裏，
直到痛徹心扉之後，才了然破繭而出的美麗，
原來…… 幸福是懂得放手後才開始的。
原來…… 愛妳是那麼一件不簡單的事，
所以…… 我懂得放手了。
Posted by 梵高 on October 22, 1998 at 23:28:52:
學佢句宣傳標語話齋，如果你一年只係睇一齣戲，咁你就睇呢齣啦！
以往可能睇過好多戰爭片，但真係好少有一齣似”雷”咁有震撼力。
影片開頭搶灘一段夠晒慘烈，製作特輯中亦訪問過當年在場的退役軍人，
說片段的現場感有當時的九成，真係不得不服導演的功力。
除此之外，近期值推介的西片有 True Man Show
Posted by 糟糟 on January 08, 1999 at 15:36:44:
亞洲金融風暴搞到香港冇啖好食，股蟹樓蟹一街都係，每個人都勒緊褲頭，使錢
都冇以前咁爽手，的士行業都可算係香港經濟指標了，好景時人人遞手，衰退時
個個伏晌屋企，通街的士車頂燈著住o黎排晒隊，好似澳門夜總會o的女咁，o係
塊大玻璃後面任人揀，香港的士行業去到咁o既境況，好話唔好聽真係慘過做雞
喇。前日晌太古廣場排隊，基本上排隊已經成為呢期o既指定動作，但排隊排到
轉晒彎出晒法院道仲要上埋山，幾乎去到凱悅酒店就認真誇張喇，係咁逐架車慢
慢蠕動，卒之等o左成廿五分鐘先輪到我。「麥當奴道丫唔該。」，「哦！」回
應時已將失望同惶恐不安以及無奈的心情都灌注落個「哦」字度。兩分鐘車程就
到達麥當奴道。「多謝妳十五蚊丫小姐。」，「唔好意思呀司機，你可以等等我
嘛，我拎o的o野上上去轉頭落番o黎，我其實係要去時代廣場的，如果唔方便咁你
可以走先，因為我都可以自己楂車去o既。」，「方便，點會唔方便呀？你慢慢丫
！」該位小姐跟著就走了上樓，我就晌處痴痴地等，心諗都算好彩咯，排成半粒
鐘都叫做整番轉幾廿蚊，如果就咁o係麥當奴道落，執得十五皮真係喊都冇謂，幾
分鐘後果位小姐施施然上番我車並講：「司機唔該晒呀，麻煩你去時代廣場丫。」
，「ＯＫ！收到，係呢小姐點解你自己唔楂車o既？」，「唉！就係見到你地o的司
機大佬好慘囉，排隊排到出法院道，你地呢輪又冇乜生意，咁我咪唔楂車囉，心諗
如果自己楂車出去又要俾停車場費，與其益停車場，不如益你地啦。」，「多謝妳
！」我回應時語氣中帶著三分感激、七分激昂，方發覺原來低迷o者，查實呢個香港
都仲係美好o既！
Posted by 詩詩 on January 09, 1999 at 15:14:11:
三個星期多前假期開始時才到達波士頓，一轉眼現在便又回到宿舍繼續悶蛋的生活。今個假期都好開心，一來可以和表姐兄弟及弟弟一起過，又過了白色聖誕，還和一些闊別兩年多的朋友見面！而且很有建設性的看了 “天下無敵掌門人”，”上帝！請給我多一點時間”，還有 “烈火雄心。回到這裡後尤其覺得沉悶，昨天是開課日，便己經和朋友數手指計算何時是暑假。都是自己懶慣了，一時不能習慣吧！其實都沒甚麼大問題，只是上個學期完以前的一個星期，同房告訴我她要搬去 sorority house（就是在 “奪命狂呼 2″ 中那些靚靚大屋）。和她一直相處得好好，突然聽到她要搬實在令我很驚訝，其他的人都和我有相同反應。無奈地，我們只有幫她搬行理的份兒。而在我回來後，所擔心的事亦發生了！我有一個新的同房！雖然只是相處了兩天，但我己經不大喜歡她。本想和她溝通一下，但我問她一句，她答我一句，好像多說一句嫌煩。下課過後便是坐在她帶來的電視機前看電視大大聲笑，傾電話的製造出的噪音一百呎以外也聽到，笑聲更是刺耳到極點，使我根本不想留在房中。最氣憤的是我不在時有人打電話給我請她傳口訊的她竟可以絕口不提。她還愛點洋燭令整個房也 “香香”（我覺得怪多過香）。而且毫無條理，她佔用的空間是亂七八糟的！
如果給我發現她在房中吸煙的話，我一定會和她好好的討論一下！唉~~~真估不到新同房和舊同房會是天淵之別！很掛念舊同房呢~~~~~~ 還要挨四個月，四個月後才能脫苦海……