失物待領

Posted by Monica on January 21, 1998 at 12:45:10:

好耐無貼0的乜0野文，同大家都好似生疏哂0甘，稔0下不如講
少少自己近況，悶悶0地都叫做有功課交啦！

師奶舊年九月開始係AAA Travel Agency度做receptionist，
返工係朝八晚五，禮拜六亦輪流加班返上晝。做receptionist
都好忙，旅行社好多人打電話黎，又要接電話又要招呼人客
又要take message，十條電話線我一雙手一把口接，都幾刺
激，尤其係公司規定電話唔可以嚮超過三0下，0的人又成日
約埋一齊打入黎，有時真係覺得自己好似八爪魚！

返工有福利，當然好過做temp啦，不過我老公做財務經紀，
就係要0的clients放工返屋企先可以約見，所以晚上6-10
都出0左去，到佢返黎我又通常都上0左床訓，變0左我0地
一至五都好少見面，上個禮拜佢仲禮拜六出去開0左成日會，
禮拜日又個老友同女朋友碇煲佢去倍人，搞到又要等多個禮
拜先有得過二人世界。

David仔上個月滿七歲，到我心口0甘高，八十幾磅重，讀緊
一年班咋，好似巨人0甘。不過佢都算幾聽話啦，連車大炮
都唔識（係咪好水皮？）叫做幾好，有時0的朋友同我話佢
唔專心但係好聽話，一叫就聽，話我教得佢好，聽到都幾心
甜。

返工有好多趣事，第日再講你0地知。

Posted by 《翻版歌詞》無端白事重出江門！（江門？） on January 15, 1998 at 00:41:25:

《我們的插曲》（改編自《我們的主題曲》）
（乜乜乜特約：《乜情》外圍主題曲）

作曲：無端白事亮相亞視既吳國敬
填詞：無端白事詞癮起既曾斑紋（Benjamin）
主唱：無端白事心口有條羽毛既鄭秀仁

時間到了總見你　睇這ＴＶ
而你下下好鬼high　雞啄不斷　熱烈研究劇情
劇集做到邊個位　都已知悉
扮晒編劇專家　實令我好惡頂

「Oh! La La La La La La　佢哥哥
　乜鬼陰質衰野做齊　極度賤格　只有這哥
　Oh! La La La La La La 佢哥哥
　同佢阿嫂婚變之後　遲下身家俾佢搶走左」

在這剎那睇見你　好似癲雞
鬧阿某某賤過乜　邊位苦命　邊個就快食泥
為這套戲好興起　熱情到死
令我睇唔過眼　就快要熄總掣

Posted by JoeJoe on January 13, 1998 at 17:33:21:

午飯完畢，回到公司樓下，管理員先生問我，
有沒有買報紙，我好奇地問：「甚麼意思？」
他對我說：「近來不知怎的，投注馬匹都會經
常輸掉，弄至報紙也不想買。」我於是便對他
說：「那還好，起碼你會醒覺，我亦很久沒有
看賽馬版了，假若連番輸掉都還不歇一歇，我
看會連命也輸掉啊！」管理員先生與我相對而
笑………

以下是廣東話傳神版 —

咬完米返到公司樓下，看更亞伯冇啦啦走埋0黎
問：「喂～有冇買報紙呀？」，「咩料呀？」，
「妖～呢排唔知係咪食0左屎，買邊隻死邊隻，
攪到馬經都唔想買喇。」，「咁咪好囉，你都會
醒丫，我都好耐冇睇馬經版啦，成 x 日輸你都唔
抖一抖，輸 x 死你呀！」，「咁你有冇買報紙
0者？」，「都話輸 x 死0左咯！」
看更亞伯笑到仆街囉…….~$#!!%$@^#^&&*

此文謹獻給連番敗北而不自覺的人…﹝I Mean 賭馬﹞

以上所寫乃真人真事，發生在 13/1/1998 2:15pm
同時我寫的都是我個人感覺，請勿對號入座！嘻嘻～～

Posted by 西狂 on January 12, 1998 at 02:09:56:

————————-【 流 年 】—————————
◎ 西元 1998 年 民國 87 年 歲次戊寅 2 歲
————————————————————————–
[大 限]
有喜慶或歡樂的事，任何事都順利如意，認識許多能帶給你利益的人，在工作方面也
能得到上司及同事的援助；即使與凶星加會或碰到困難的事，也能巧妙地解決。
可待由副業增加收入。除了自己努力外，也由友人之助而使事業順利進展。如運轉此
運，也有與異性交往的絕佳機會。
有好機會能得長輩提拔而使事業發展或有昇級、加薪的好運道。
正是昇級的好運期，可掌握權力。
[小 限]
能突然發展的好運期，也有與好對象相遇的機會。若廉貞星是陷的話，無論什麼事都
不要積極的活動比較好。如想改換公司或擴大事業等等，儘量避免為佳。若甚至與四
殺及化忌加會的話，容易被捲進法律間題或與人家發生衝突。
有天賜的考運，適合入學或開始學習新事物。從事藝術、學術、創作活動的人，於此
時期作品會受到大眾的肯定、讚揚。若是陷，又與凶星加會，容易與人發生衝突，有
關係契約的糾紛，支票問題等法律問題。
————————————————————————–
─────────────────────────────────────
姓名： WWWBoard [男] 農曆民國 86 年 12 月 2 日 4 時 43 分
─────────────────────────────────────

Posted by 護士長衫衫 on January 13, 1998 at 00:48:26:

[春去春會來，花謝花會再開。。。]

講開賞花、惜花、折花呢個問題，我忽然間想講0下
花心呢個問題。

通常喜歡折花0既人有兩種，而兩種都係愛花之人，
兩種都係[見花便折之]的人。大家會問0甘究竟兩者
有咩分別呢？兩個都是花心人！

分別就在於前者愛花，梅、蘭、菊、竹也愛，最好是
盡得世間之花。這類花心人佔有慾比較強。梅、蘭在
手，菊、竹亦愛，繼而摧之、棄之，然後另覓新花。
花謝了亦毫不心痛，惋惜。此所謂愛花者名乎其實係
花心0既摧花賊。

後者同樣愛花，可能佢冇前者0甘老練，唔識點樣同時
間把梅、蘭、菊、竹都折下來，又或者佢根本唔係一
個0甘0既人。於是佢只會一次折一朵，繼而珍之、重
之、惜之。奈何每次把花折下不久，花便枯死了。此
折花者會覺得痛心，惋惜。然後把花好好埋葬。雖然
心痛，但始終要收拾心情再去尋花，因花還是要覓，
還是要摘的。

花一次又一次的枯死，心一次又一次的痛，証明確實
是有問題存在。呢個花心人學懂了惜花之道。第一次
花死了可能是因為缺水、第二次花死了可能是因為缺
乏陽光、第三次花死了可能是因為缺肥，而第四次他
終於學懂了。他所摘的花沒有謝，他會把全部心機去
好好照料這朵花，亦懶得再去賞其他花了。由於失敗
太多，他今次信心不大，但他相信只要肯用心，問題
不大。雖然冇人知道呢朵花幾時會謝，但亦都可能會
有結果，開枝散葉的一日。

旁人會說他一次又一次去折花，簡直是花心得很呢！
但起碼他不會一次摘四、五朵花。他只是花死了，再
摘另一朵，這也是很正常吧！若沒有這些失敗的經驗
，又怎會學懂惜花之道呢？

雖然花心並不是好事，但我比較欣賞後者。前者簡直
是有點兒變態，令人髮指呢！！

嘩！打0左成兩個幾三個鐘，我而家打中文都有番0甘
上下啦！都係時候去撲蝶咯！花蝴蝶。。我0黎啦！
0拿！咪話我唔識打中文呀！！！

Posted by ball on January 14, 1998 at 08:49:39:

昨晚去了一個伯母的喪禮，感慨良多。

除了為那班收費四萬，在執行法事時不斷抽煙、挖鼻孔甚至除鞋的
法師感到氣憤外。更感到做人真是佷老土的，汝其身後風光倒不如生前好點。
這兒戲的法事能否超渡亡靈，我說不上。但我想至小超渡了，考子賢孫的面
子。生、老、病、死，人生必經，自問自己又不是林肯或魯迅那些大人物
死可足惜，生前尚擾人無數，死後還敢擾友耶?昨晚之後以暗暗發誓，永不
舉殯！

Posted by JoeJoe on January 13, 1998 at 12:33:15:

人與人之間相處貴乎相知，祗要你知道對方幹
的是甚麼，又祗要知道自己在幹甚麼？夠了….
真的夠了…..！

開開心心又一日，死死沉沉又一天，兩者之間你
會選擇嗎？我一定會選前者，我一定會…….！
不喜歡死死沉沉的感覺…..著實不喜歡！

祗喜歡和你哈哈哈～～～！