Posted by Fat-Fat on March 07, 1998 at 01:01:30:
一個字形容這個音樂會 —— High
真係正到暈，近排睇o左三個演唱會，一個係壽司o既，
一個係網上痕o既，最後就係依個陳奕迅。三個之中陳奕迅
o個個就最細，但係絕對最好睇。冇花考o既舞台設計，冇幾
廿萬個人o既樂隊同和音，只有一把靚聲，但咁樣已經足夠晒。
原來佢o個個係叫音樂會，唔係演唱會，但冇諗過音樂會可以
唱 d 口水都飛晒出黎o既歌劇o既歌，都冇諗過可以將一隻悲
到絕o既「尋開心」唱到快快樂樂輕輕鬆鬆，我諗重絕對唱得
比原唱者有過之而無不及。
現場o既「抱擁這分鐘」聽到好似真係比佢隻歌抱住o既感覺，
同時亦係音樂會o既尾聲，但最後全場要求下加唱多一隻
「Yesterday」，High 晒。
睇完個音樂會o既感覺係：
有點氣憤 ——— 因為時間太短；
依依不捨 ——— 因為實在太正；
尋求門票 ——— 因為想睇多次。
Posted by 肥肥 on January 13, 1998 at 07:49:08:
唔知大家有冇買保險？保險係可以保障投保人o既一種方法。
現實生活裏面，買保險好平常，任何事都有人會買保險，
幫人買啦，幫車買啦，幫屋買啦，幫貨買啦，甚至幫情買。
其實可能買保險係一件好平常o既事，覺得有需要就去買，
但求安心，價值不問。但反過來想，有冇必要買咁多呢？
幫完 A 保險公司買「住院」，又要去 B 保險公司買「人壽」，
都係覺得唔夠，再去幫 C 保險公司買「第三保險」添。
不禁問一句，買咁多，係唔係真係有用呢？同一時間有冇咁多
樣野可以賠呀？就當你有，分開咁多保單買，供到天一半地一
半，賠係唔係真係賠得咁足呢？何不專注一張保單呢？對自己或
者對個 Agent 都可能係一件好事呢。唔敢話只買一張保單可以
賠到足，世上任何野都有風險，都有不測，但如果個 Agent 可
以全心為你服務可能已經足夠。
但良心地講一句，就係可能個 Agent 唔好，所以先要分開咁多
張保單去買，咁亦無可口非，但如果終於遇到個好o既 Agent 啦
，或者去試一試開始專注一份保單囉，咁都冇壞呀，都係但求安
心姐。分開咁多間保險公司去買保單，香港一間，過個海又一間
，都未必可以達到安心o既目的姐，係唔係呢？
(0)