失物待領

Posted by 文盲 on September 12, 1998 at 02:18:11:

一個風平浪靜的地方，究竟有幾多暗湧？
人人也做著自己的事情，但係唔係全都可以開門見山？
做了件令自己開心既事，但又唔講得比人知，真係幾慘！
唯同一些信任既人講。

開頭稔住講少少，點知越講越開心，越開心就越講得多！
一個不小心講晒了！一些信任既人知道晒了！
呢班人又變成一班有秘密的人！

呢個係一個惡性循環！
久而久之，一個秘密就會秘密地公開了！
秘密更可能被醜化，何必有秘密呢？

Posted by 文盲 on April 18, 1998 at 00:42:58:

壹號皇庭？

吃豬腸粉完趕返學的雪碧和水龍頭，見冇車便過馬路。
『喂！睇燈丫，盲架？』馬路少年團張小強在學校門口大叫！
比人話的心情是不好受的，但雪碧和水龍頭不想多事，急急行過便算。
但是站再學校大門的副校長不放過他們說：『點完名去校長室！』
再未點名之前，雪碧、水龍頭、小鳳姐和棋王一起商量。
大家一至肯定不是關於唔睇燈過馬路。
最後棋王說：『總之左手手指公向上，我地就話係啦，夾就得架啦！』
點完名後，水龍頭和雪碧便各自由班房步向壹號房–校長室。

一進去，校長和副校長己經坐好了。
跳皮的雪碧更水龍頭耳邊說了一聲：『Court!』
校長示意雪碧和水龍頭在一旁的椅坐下。
『登登登…登！』雪碧再在水龍頭耳邊輕叫。
在門口準備進來的原來是……張小強和倪君傑。
校長示意張小強和倪君傑在另一旁的椅坐下。
副校長終於開口：『今朝張小強和倪君傑對我說你們昨天下午冇返學，
因為丁天雪生日，李星龍和丁天雪去了動植物公園慶祝！丁天雪，係唔係丫？』
雪碧說：『昨天係我生日，下唔我和李星龍同學都冇返學，
但係我地冇去動植物公園慶祝，我地只去了睇醫生。』
校長相信雪碧，開始質問張小強和倪君傑：『你地又點知佢地去了動植物公園？』
『我和倪君傑在巴士上聽到丁天雪講既！』張小強說。
『我講過咩丫？』雪碧問。
『你又話老虎丫、羊丫、孔雀丫、馬騮丫、鶴丫，總之你地去過動植物公園。』張小強說。
『你話我地就去過就有去過架啦？』水龍頭問。
『你地仲成身動物園味！』張小強說。
『甘我地個身係有老虎味丫、羊味丫、孔雀味丫、馬騮味丫定鶴味丫！動植物公園味？』水龍頭問。
『甘你地做咩講老虎丫、羊丫、孔雀丫、馬騮丫、鶴丫？』副校長問。
『老虎丫、羊丫、孔雀丫、馬騮丫、鶴丫可以係老師或者同學！』雪碧先看一看副校長，再望一望張小強和倪君傑。
水龍頭見雪碧說得過份，補說：『亦都可以係家人、朋友、寵物、裝飾品甚至係文具既公仔！』
『你地真係去左睇醫生？』校長問。
『我地同左我地班主任講過，我地真係去左睇醫生！』雪碧說。
『甘冇事喇，你地去上堂啦！李星龍，下星期水運會，你補左名未？』校長對水龍頭和雪碧說。
『補左喇，我地走先喇校長、副校長。』水龍頭一邊說一邊離開壹號房，雪碧亦笑住走了。
水龍頭和雪碧笑著離開，雪碧再跳皮地說：『冇罪釋放！』
水龍頭一入到班房，見飛貓竟然在他的班房，他更不知用了甚麼法子，搶了兒歌馨旁邊的位置。
水龍頭一坐底，飛貓便說：『我轉黎呢班讀，我稔我都係讀唔點文科。』
『開左學成個星期，你仲未買書咩？』水龍頭問。
『未丫…』飛貓仲有野想講，但係坐佢後面等了好耐的棋王問：『校長搵你咩事？』
『下堂係實驗室先講，女殺手超住！』大家又開始食麥記早餐同食粥。

小息後果堂係化學，個實驗室鬼死甘長，水龍頭、棋王、兒歌馨、飛貓、小鬼和邪童霸了最後一張檯。
一張冇咩人可以望到的檯，水龍頭便不斷講剛才在壹號房發生既事。
講完了，大家便不斷提意點玩張小強和倪君傑，鬼主意的念頭不斷湧現直到食下唔飯。

在流亦思吃飯時，大家便斷討論壹號房事件。
經過昨日去了動物園，水龍頭留意雪碧多了。
水龍頭立即發覺雪碧在大家面前的冷，和在他兩個人時的跳皮是差好遠。
在飛貓的滔滔講述之下，人人都聽到笑晒口，只有雪碧在默默飲湯。
經過這飯後，除了水龍頭發現多一讓野外，大家都一至通過玩張小強和倪君傑。

食完飯後，便回學校，在學校大門有見張小強和倪君傑。
兒歌馨渺視地說：『門口狗！』
『唔好甘講丫，等陣人地又話我地去晒動物園喇！』飛貓說。
『你未好鍾意汪汪狗既，你就好啦，日日都有得玩！』宙斯對風鈴說。
『咦！著制服既，唔玩丫！』風鈴笑說。
『小鬼丫，我驚狗……唔係，我驚汪汪0架！』邪童散嬌地說。
『唔驚唔驚，佢地冇牙0架，靜係識得對佢主人擺尾！』小鬼說。
『邊個係佢地主人丫？』小雲終於唔明喇，但係佢問雷公！
『你問副校長啦，我乜都唔知0架！』雷公平時唔聲唔聲，佢居然明晒！
這時校鐘嚮，不時上堂鐘，而是集會鐘。
集會上其實冇咩講，但係各學生將會好多野做同好多野玩。
校長要各大小會社在水運會之後，開始正常運作。
這使很多學生在水運會前不停開會，各會都要安排職位，安排一年的活動。
結果係：水龍頭係旅行會長，佢同小鳳姐亦係體育社領隊、
兒歌馨係音樂學會會長、風鈴係排球隊隊長、棋王係棋藝學會會長。
宙思本來只係以上會社物資，但係因為佢好人，被選為學生會副主席。
小鬼同邪童深資童軍正副主席，小鬼更是制服及紀律聯會主席。
小雲年紀少少己是俏護士會既副主席。
小鬼係擊敗倪君傑獲得制服及紀律聯會主席，而倪君傑和張小強係馬路小年團正副主席。
但雪碧就放棄晒所有職位，原因係私人理由！

水運會的早上，大家一如其他大日子一樣在洪七公酒樓飲早茶。
飲完早茶後，便去搭小巴。
竟然有小巴寫住『校車』，水龍頭好心地告訴他今天是水運會。
小巴司機見他們十二人（水龍頭、小鳳姐、棋王、雪碧、兒歌馨、飛貓、
雷公、小鬼、邪童、風鈴、宙斯和小雲），便話每位收少街外一蚊，不停站送他們去。
『今次水運會玩咩丫？』風鈴問。
『棋王，叫左你稔果0禾！』兒歌馨問。
『今日又玩食飯啦！』飛貓說。
『有獎拎既一定要請啦！』小鬼說。
『更係啦！』邪童和意。
『雷公先生，今次我地呢班參加水運會的人得水龍頭、小鳳姐同你，
而你係最冇機會拎獎果個，你有冇壓力呢？』小雲扮記者問。
『我既目標係參與，獎？有未要囉！』雷公說。
『我地十二人，六個比錢啦。』小鳳姐說。
『我地每人將所有錢拿出，剩下三個十蚊銀。
遊戲內容是將呢三個十蚊銀，唔理用咩辦法，變晒一毫子銀。
呢三十蚊包埋今朝既飲食！有最多一毫子為勝，有權選去邊食！
最小一毫子果六個請食飯啦！有獎拎果幾個一定要請啦！』棋王說完，望住水龍頭。
『好啦，就甘決定！』水龍頭說完，小巴己經送到他們去到維記泳池門口。

各班點完名後便開始入泳池，水龍頭和小鳳姐很快便換完衫，在池邊做熱身。
兩人的衣著十分搶鏡，泳衣褲加黃色長風褸。
（這間學校分紅、黃、藍三社，三社的比賽有水運會、陸運會、
各類球類比賽……而呢十二人都係黃社的。）
呢兩隻芒果一剝皮之後，引來一陣叫聲，
原因係兩人的泳衣也十分特出，男既幼邊，女既更利害，著了三件小布一件頭泳衣。
由於三件泳衣露既地方不同，所以重疊之後不算過份。
還未有第三個人換完衫，他倆兄妹己經跳落水中嬉戲。
在看台上，由方溫仔和方溫妹組成的啦啦隊，己經唱住不同明星既番版歌作為打氣！
十五分鐘的熱身時間過了，小鳳姐和水龍頭便去救傷站休息。
由於他們參加多項賽事，他們不想去看台和更衣室，
便坐在救傷站，還有一個可愛的俏護士小雲照顧。
在泳池的區域內還有小鬼同邪童，在起點指黎指去，深資童軍0禾！
飛貓、宙斯同棋王就不知用了什麼手段，三唔識七話幫校報果班人影相！
果三個人專影人上水個衰樣、一唔係就影女仔。
還有兩隻馬路少年團張小強和倪君傑在泳池門口做門口汪汪，但不斷放他們的朋友進出。
上午係個人項目，水龍頭和小鳳姐各獲得五金、雷公亦得兩銀。
一企齊等食飯時，小雲笑住說：『我贏了，我有三百個一毫子！』
各人十分驚訝地望住小雲，小雲再說：『去食雲吞王！』
去到雲吞王後，餐牌都冇望，每人己叫了一碗或一碟雲吞河或麵。
除了小雲外各人都不大喜歡這兒，因為雲吞王只有雲吞！
兒歌馨忍不住問：『你成日都在救傷站陪小鳳姐和水龍頭，你點唱錢？』
『我叫我既同我幫我唱，自己班都未問完己經久喇！』小雲風騷地說。
『我本來都有，但係口渴，買左杯汽水！得二百六十個！』雪碧說。
『我輸了，我得一百個唔夠！』小鬼說。
『點解丫，你都好差0禾！』兒歌馨問。
小鬼望一望邪童冇出聲。
『小鬼，我陪你！我得一百一十個！』宙斯冇耐地說。
各人報完數後，棋王以二百一十五個勝了飛貓二百個。
飛貓不忿地說：『你地個個都可以用得少過十蚊架！』

食完雲吞後，各人也不飽，去了食水果食品店–花果山。
大部份人也叫了花果山的成名作–花果山香焦西米撈，只有雪碧叫了杯雪西瓜（雪碧加西瓜汁）。
食食下香焦西米撈，程景濤和他的同學仔都黎食，但程景濤見雷公在這兒，便變了買外賣。
在等外賣其間，只有風鈴和宙斯淡淡地和程景濤交談。而程景濤拎完外賣後便匆匆走了。
『以後我地要大日子先可以一齊食飯喇，水龍頭同小鳳姐成日要帶隊出賽、
學生會副主席宙斯要在學校食飯。小雲、小鬼同邪童久唔久就要在學校當值。
我地個個都係校隊，久唔久就出賽。以後每次在流亦思都係得幾丁友！』風鈴冇耐地說。
『下年我地中五，學校唔比我地再擔任任何一職，未可以一齊食飯啦！』棋王說。
『你唔記得我係旅行社會長嗎？我們可以在星期六旅行嘛！』水龍頭輕拍風鈴的頭。
大家食完焦撈同西汁後，便去『擔屎』商場行公司。
行公司期間，看見張小強和倪君傑迎面而來，水龍頭等人各報以輕視的眼光。
『你地多人我地就驚0架喇！慳少少啦唔該。』張小強說。
『成年守門口啦，門口汪汪頭！』小鬼說。佢真係有權，因為佢係制服及紀律聯會主席嘛。

下午的水運會比賽是各項的接力比賽、友校接力比賽和頒獎時間。
各項目飛快地過，水龍頭和小鳳姐游完自己的接力後，便招呼參家友校接力的練水朋友仔。
今年的大贏家又是水龍頭、小鳳姐同黃社，各人開心之餘，便帶著開心的心情回家。
在回程途中，雪碧拉水龍頭一邊說：『可唔可以比左你個獎杯我丫？』『貪心！冇丫！』水龍頭笑說。

次日清晨，水龍頭比平時早十五分鐘去到雪碧樓下，更上樓在她門口等她。
雪碧一開門見水龍頭在門口，對他傻笑了一笑。
因為怕屋內人聽到他說話，水龍頭輕聲說：『送比你0架！』
水龍頭將他昨天贏得的獎杯送給雪碧，雪碧開心地拎入房。

在斷腸崖，雪碧邊吃豬腸粉邊說：『你又話唔比人既？』
『我都要拎番屋企比阿爸阿媽睇過先得架！』水龍頭邊吃豬腸粉邊說。
『今日默書，你讀左未？』雪碧真切地問。
『你又知我今日默書？』水龍頭有點驚丫。
『成級一齊默丫嘛，你唔見你個妹溫書咩？』雪碧說。
『冇咩留意！不過我稔佢應該溫得好熟，我成晚都冇見過佢！』水龍頭開始抹嘴。
『你冇出房0者！』雪碧搶了水龍頭用了一半的紙巾抹嘴。

水龍頭點完名後，唔知點解要去廁所。
在回程時經過小鳳姐班房，成班正在默書，水龍頭更見到倪君傑在出貓！
上完兩堂後，棋王和水龍頭在食物部食野，見倪君傑比左張貓紙張小強。
『哇！乜連貓紙到慳丫！』棋王對水龍頭說。
『你有冇讀書？』水龍頭問棋王。
『有丫，實一百分！』棋王說。
『甘玩佢一獲啦！』水龍頭笑說。
在第二個小息時，棋王和水龍頭等張小強和倪君傑去食煙時，便扮去廁所。
『你張貓紙甘大，唔驚比人睇到咩？』棋王大大聲問。
『你果張咩仲大張！』水龍頭大大聲講。
『驚睇唔到丫！我稔住放係筆盒下面，我都係！』大大聲講完便離開廁所。

在默書期間，水龍頭和棋王更扮緊張同東張西望。
而張小強好快甘出完貓，便舉手舉報棋王和水龍頭出貓。
中文老師禿鷹便大叫：『棋王和水龍頭你兩個舉高雙手！』
張小強很快便行到棋王和水龍頭前面，拎起佢地既筆盒，果然有兩張貓紙。
『你地三個跟我去見校長。』禿鷹冷漠地說。

在壹號房內，校長見事態嚴重，放下手上的工作，開始盤問。
『你地兩個默書出貓丫？』校長不信地問。
『冇丫，我地唔記得收埋張紙0乍！』水龍頭口震震地說。
『你又點發覺佢地出貓呢？』校長問張小強。
『佢地小息時在廁所講既，默書果真又鬼鬼鼠鼠甘。』張小強說。
『我地識架，唔通要再默一次比你睇咩！』棋王說。
『好丫，你地默一次啦！』校長說。
棋王和水龍頭扮驚互望了一望，便開始默。
默完後，禿鷹說：『佢地真係識，全對！』
『張小強，我就小息果陣見倪君傑交張貓紙比你，你又識唔識丫？』棋王問。
『我今朝行過倪君傑班房時，我都見倪君傑在出貓。』水龍頭說。
『張小強，你現在開始默。李星龍、王棋，你幫我叫倪君傑落黎，然後番班房啦！』校長說。
『下次，唔好放紙係檯面喇！』禿鷹說。
棋王和水龍頭叫了倪君傑去壹號房後，便開開心心回班房、等食飯同報喜！

-待續-

Posted by 文盲 on April 22, 1998 at 18:22:08:

人們常在事情未發生前做很多很多的預備，但事情發生每每在瞬間！
事情突然發生，人們要在預備不足的情況下作出反應，在情緒的煽動下，
人往往表現衝動的一面。

衝動時常被人形容得很負面，是否真的如此。衝動的人，往往不會想
太多便作出反應、行動。而這一刻的力量，不知什麼原因，大得令人有點
不可相信！這龐大的動力，來自一個直覺。直覺是情緒、感覺、經驗、道
德、信心等加起來的表現，沒有理性的考慮，是人很真實的一面。

一個情緒不穩定、感覺差、冇經驗、冇道德、但有信心的人衝動起來
效果通常很負面。相反一個情緒穩定、感覺好、有經驗、道德高尚、信心
十足的人衝動起來效果通常很大快人心，有時甚至很可愛。

還有另外一種人，有事情發生，是不會作出反應，他會細心看事情的
發展，之後再作出反應。這些人不是反應遲鈍，而是經驗所得，看了事情
發展後，事情會變得容易處理。不要認為人可以在短時間內成長，不過這
些時間可以令人冷靜、令人變得理性。

無可否認理性是一種好有效的對事方針，甚至會係成功的因數。理性
的人做事是可靠的、令人放心。但物極必反，一個過份理性的人，會變得
冇情、冷酷，有些人更會變得過份計較。

衝動、理性也是人面對愛情的方法。衝動是浪漫愛情的因數；理性是
良好關係的楷梯。有冇試過問自己，鍾意戀愛的浪漫感覺還是鍾意良好的
親密關係？

Posted by 文盲 on April 15, 1998 at 00:12:23:

開始

『願我會搾火箭，帶你到天空去，在太空中兩人住。
活到一千歲，都一搬心醉，有你在身邊多樂趣……』
『唔好掛住聽歌啦，快少少食啦，遲到啦！』水龍頭說。
『你唔覺得首歌好好聽既咩？』雪碧邊食豬腸粉邊說。
『我只係知再唔返學我地就會遲到架喇！』水龍頭己經抹緊嘴。
『開左學成個星期，有冇稔住轉科丫？』
『冇丫！喂！我得罪左我個惡妹，食晏果陣陪我去買野送比佢丫！』
『好！』雪碧帶點失望地說。
『你睇下！』水龍頭望著門口。
小雲匆匆跑入斷腸崖，坐在雪碧身旁。
尾隨一隻馬路小年團，他的目標好像是水龍頭身旁，小雲對面的位子。
水龍頭立即坐在他的目標上：『禁多位唔洗搭檯丫？』
馬路小年團回身拎一張椅，加個位在小雲身旁。
『倪君傑！你走丫？』小雲怒叫！
平時天真可愛的小雲呢一野嚇親水龍頭和雪碧！
試想像一隻白兔黎一聲獅子吼！
本來想問小雲食咩野既水龍頭變左說：『走喇！』
小雲很快地跑了出門口，水龍頭和雪碧黎個關門擋在倪君傑前面。
雪碧原來己經拎好錢埋單。
一出門口便上了的士。
呢樣好似十分私人既交通公具，另到倪君傑不好意思跟上來。
（不竟只是一個方科仔，唔係好狼！）

在車上，雪碧問小雲：『咩事丫？』
小雲回服平靜地說：『我一直都沒話鍾意佢，又沒搵過佢，又知佢既衰野，
但係佢話愛我0禾，佢仲話覺得我鍾意佢0禾！頭先仲想拖我手丫！』
『甘你之前又同佢一齊返學、一齊食飯？』雪碧問。
小雲冇耐地答：『佢丫朝朝早都係人門口等人！
食飯果陣又叫晒我既飯伴走先，等到冇人同我食。』
『你今日同小鳳姐佢地食好唔好？甘大班人做你既飯伴，佢唔敢點既。我同雪碧有野做丫！』水龍頭問。
『得啦，冇事架喇！』小雲回一句。

水龍頭和雪碧陪小雲陪到上堂。
水龍頭一坐低便和身旁的棋王和兒歌馨說這件事。
三人說到連上咩堂都唔知。
小息鐘一嚮，兒歌馨去通知所有未知既精英們。
水龍頭和棋王就去遠佢離保護小雲。（睇下有冇人想行埋佢身邊）
雪碧就和小雲一起。
第二個小息也一樣，但毫冇動靜。
不經不覺又到食飯既時候，十一位精英加上小雲一起在校門。
『三架的士啦！』小鳳姐說。
『我同雪碧有事，你地兩架的士夠啦！』水龍頭說。
小鳳姐不理水龍頭便行，其餘各人亦『拜拜！』一聲不見了。
『我地先去搵我地班主任扮肚痛，下晝唔返話去睇醫生。』水龍頭對雪碧說。

水龍頭和雪碧向老師佈完流料之後，便跳上一輛去中環的巴士。
『我地去邊丫？好遠架？近近地買咩得囉。』雪碧一直都聽從水龍頭的話，不過她開始覺得奇怪了。
『中環多衫賣丫嘛！我想去買件衫，你同佢身形差不多，你幫我試衫丫！』水龍頭說。
雪碧點一點頭，跟著邊望向窗外。
『小雲冇事既，有小鳳姐嘛！要打有雷公、飛貓，要計有棋王！』水龍頭知雪碧擔心。
『下次唔好甘直接甘講人既心聲啦！』雪碧笑說。

不知不覺他倆己到達中環，在一間中價的服裝舖睇衫。
水龍頭假裝睇衫，其實是看雪碧鍾意咩衫。
水龍頭拿起一件雪碧看過一會，和佢自己覺得好看的一件頭裙叫雪碧試。
雪碧不久便出來，水龍頭見他很開心，問：『好唔好睇丫？』
『不錯！你幾有眼光0禾！』雪碧望著鏡子笑說。
『真係？』水龍頭再問一次。
『比錢啦，真係好0禾！』雪碧望著鏡子左轉右轉。
『生日快樂！呢件係你既生日禮物！』水龍頭在他的書包裡拿出生日卡來。
『乜你記得0架？』雪碧開心到不敢相信，只懂望著水龍頭傻笑。
『比錢喇！係呢件啦嘛。』水龍頭拉住開心到死的雪碧去比錢。『唔該幫佢剪0左價錢牌，佢著走。』
比完錢後，水龍頭借人地既試身房換去街衫；雪碧就邊看生日卡，邊等水龍頭。
『現在去邊丫？』雪碧傻傻地說。
『你估你到今晚訓果陣個嘴仲係唔係笑到合唔埋？』水龍頭不答傻雪碧的問題。
水龍頭帶雪碧又跳上一兩的士，佢啤左張紙比司機，再同雪講：『幫手應路丫！』
傻傻雪碧在應路之餘，不斷地估水龍頭會帶她去那兒。
她估水龍頭會帶她去搭山頂纜車，但目的地係動植物公園。
一個雪碧從未去過的地方，十分開心地說：『你又記得我話過想黎！』
水龍頭輕輕一笑：『如果我識搾火箭，我一定會帶你到上天空！』
雪碧想了一想，明白他是說今朝的歌詞，甜在心頭。
這時，水龍頭在書包中拿出一盒三文治，再買兩罐汽水。
兩人邊欣賞動植物，邊吃三文治飲汽水。
『哇~~老虎丫！』
『哇~~羊咩丫！』
『哇~~孔雀丫！』
『哇~~馬騮丫！』
『哇~~鶴丫！』
『哇~~傻婆丫！』
行了差不多兩個鐘便行完了，兩人開開心心地離開公園。
『食下午茶丫？』水龍頭問。
雪碧依然笑住口甘點頭。
水龍頭便帶雪碧去一間快餐店內。
又一個另雪碧開心的場面又在眼前。

話分兩頭，小鳳姐和小雲佢地一去到流亦思茶餐廳，大家的心情即時變壞。
因為……兩隻馬路少年團坐在那兒食午飯。
不想多事的兒歌馨說：『去第二間！』
『唔洗，上樓上啦。』小鳳姐拖住小雲上樓上。
精英們和小雲點完餐，上完餐後，仲飲緊湯，兩個不受歡迎人物上來。
倪君傑招呼都唔講聲，就行去小雲身邊：『有少少野同你講，你出一出黎丫。』
『我冇野同你講！我同你講多次，我唔會再識你，不再理你！』小雲說。
『你出黎先講。』倪君傑誠意地說。
『人地話冇野同你講！我稔呢到冇人有野同你講。』小鳳姐說。
『關你咩事丫？講兩句者，小雲你唔係驚丫？』張小強原來講野甘黑人憎！
『倪君傑一場同學，我地仲有兩年對。走啦，冇可能架啦！』小鳳姐說。
『小雲，我地講完兩句走架啦！』張小強再說。己經冇人再理佢喇。
倪君傑輕拍張小強邊落樓下，但張小強說了句：『山水有相逢丫！』
大家也覺得事情己完結了，食得頗安樂。
在閒談間有一句說話另小鳳姐和雷公又再緊張起來。
『我發覺一個叫程景濤既人鍾意我。』係風鈴說的。
『你點解甘覺得呢？』小鳳姐問。
『佢晚晚都打電話來和同我講成個鐘野。』風鈴說。
『你覺得佢點？』小鳳姐問。
『正常人！』風鈴說。
『甘你又覺得雷公點？』小鳳姐問。
『佢唔係又鍾意我丫？』風鈴望住雷公。
『我唔係！小鳳姐係問你信唔信我！』雷公解析。
『信丫！』風鈴說。
『甘你又信唔信我丫？』小鳳姐再問。
『有咩你就講啦，老死！』風鈴說。
小鳳姐和雷公將他們在暑期補習班所發生的事。
雷公亦略略講了一些舊事給大家聽。
不經不覺，己經是要返學的時候。
他們匆匆跳上的士趕返學校。
小鳳姐送小雲會班房，更吩呼她叫她放學在大門口等。

放學後，精英們九人在大門口等小雲。
時間一分一秒地過去，己經過了十五分鐘。
『唔妥0禾！』兒歌馨說。
『棋王，點睇？』小鳳姐問最理智的棋王。
『我就冇見過張小強和倪君傑出黎，你地有冇見過？』棋王問大家。
各人都在搖頭。棋王跟著說：『風鈴同宙斯去操場，你地附責做天文台。
我同雷公、飛貓去搵小雲，最遲十五分鐘在這兒等。行啦！』
風鈴和宙斯去操場，棋王去一樓，雷公去二樓，飛貓去三樓。
棋王、雷公和飛貓行完自己果層，都望一望天文台，不過見只見宙斯不停搖手。
之後，棋王去四樓，雷公去五樓，飛貓去六樓。
在四樓的棋王發現小雲、張小強和倪君傑在其中一個班房之內，便向天文台示意。
宙斯立即跑上四樓，風鈴就舉起四隻手指，直到雷公和飛貓都見到為止。
在那班房門口的棋王，專心聽內裡的對話。
『你唔好聽佢地講啦，佢地係讀書係好，甘唔代表佢地講既野係對的！』倪君傑說。
『我睇佢地實係有一個鍾意你！佢地口就話想你好，其實就想得到你！你話係唔係先？』張小強說。
『我唔再識你地架！我要走丫！』小雲說。
『好啦好啦，你解析下點解唔鍾意我先！』倪君傑說。
小雲冇出聲。『你都講唔到點解你唔鍾意我，你試多一星期同我一齊返學、一齊食返啦！』倪君傑說。
這是門外的棋王、宙斯、雷公和飛貓己經開始行入班房。
『甘佢有咩理由鍾意你？』棋王問。
『關你咩事丫？』張小強說。
『你都答唔到點解要鍾意你啦！』棋王說。
棋王想行去小雲身邊，但張小強和倪君傑擋住棋王的去路。
『小雲你行出黎！』棋王說。
因為張小強和倪君傑要擋住棋王的去路，小雲輕易地行出班房。
張小強揪住棋王件衫：『靚仔，唔好甘多事！』
這時雷公一手推開張小強，笑說：『Sorry!』
再門口的小鳳姐望一望錶，己經過了十四分鍾。
風鈴彈下彈下甘去大門口：『佢地落緊黎喇。』
小鳳姐一見棋王便讚賞地說：『果然準時0禾，冇事丫嘛？』
『上車先講！』棋王說完便領著大家上一輛去中環的巴士。
在車上，小雲誠意地對棋王道謝。
棋王就叫飛貓講述事件經過，平時冇乜話題的飛貓不知幾高興地說著。
經過廿多分鐘的車程，飛貓不停地說話，大家心裡特然覺得，其實飛貓講野都幾有趣。
棋王給飛貓的這個機會，另大家對平平凡凡的飛貓加了一點點分。
落車後，他們便趕去快餐店，心裡也罵張小強和倪君傑阻了他們的時間。
一去到快餐店，他們便拿出預備好的禮物，等水龍頭和雪碧來。

不久，水龍頭和雪碧便來到。
雪碧見到成十個人坐得整整齊齊，個個笑住口對住佢，人人更拎住禮物。
雪碧見到不知幾開心，水龍頭帶她坐下，幫她買了她喜愛的蛋牛治和雪碧。
她開心地將禮物一件一件地拆開，將生日卡一張一張的看過。
一群人擾讓了一會，便打算乘車回家。
在回家途中，兒歌馨和風鈴不斷問她在動植物公園的情形。
言詞中，兒歌馨和風鈴散發著羡慕的神情。
全班人也在談論剛才的情形之際，
坐在最前的水龍頭和棋王除了聽著後面的雪碧說話，
還要看著遠處的張小強和倪君傑！
原來張小強和倪君傑兩人一直跟著他們。
水龍頭和棋王見其他人說得那麼開心，亦不掃他們興。
最先落車的是兒歌馨、小鬼和邪童，跟住係雷公、風鈴和宙斯。
下一站是水龍頭和小鳳姐的家附近，飛貓問：『要唔要一齊送小雲？』
原來飛貓也發覺張小強和倪君傑在後面。
水龍頭說：『我同棋王就下個站落！』
飛貓對小鳳姐說：『我地都一齊啦。』
小鳳姐笑說：『我會跟住哥哥架啦！』
終於到了小雲家的車站，水龍頭等六男女落車後就站在巴士站不行。
張小強和倪君傑落車後，望了小雲一眼，就在巴士站不遠的地方停下來扮等人。
水龍頭對飛貓說：『你一個人頂住一陣驚唔驚？』
『走先啦，剛打佢地都唔夠我打啦！』飛貓笑說。
『唔該晒，明天見啦！』雪碧說。
這時，小鳳姐己經跳上了的士，各人跳上了的士後，
飛貓就目不轉睛望著張小強和倪君傑，張小強和倪君傑覺得不自在便走了。
底死的飛貓黎個反跟蹤，跟左張小強和倪君傑幾條街，佢地就越行越快，終於甩了飛貓。
其實係飛貓見佢地行得遠，自己走了。
飛貓在回家途中，想起了水龍頭每天也去雪碧樓下食早餐，便行去斷腸崖。

飛貓去到斷腸崖，見到水龍頭、小鳳姐、棋王、雪碧和小雲食緊豆付花。
他們剛剛說完食飯時的情況。
『飛貓，到你講我地放學是既情況喇。』棋王對飛貓說。
大家一直留到晚飯時候才送小雲回家，之後便送雪碧回家。
回到家後，水龍頭打開書包，發覺雪碧的校服仍在書包。
想起今日的開心情景，不知不覺地傻笑起來。
小鳳姐見到，說：『唔好稔甘多喇追啦！明天開始，一定多事！』

-待續-

Posted by 文盲 on April 01, 1998 at 19:04:40:

最近忙功課忙得好緊要，每天由早到晚也是做、做、做……
我有個不好的習慣，這使我的工作進度減慢，
但使我更希望可以坐下來，不願離開我的工作位置。
先講講我工作位置的間格，我的工作檯就是飯檯，
放在飯廳，最好的就是面向電視！
而我的壞習慣就是重看舊電視劇。
我做功課係唔可以冇左佢地既，但係一定要舊。
新既就做唔倒功課喇。

這幾個月來，我看了幾套金庸名著–笑傲江湖、天龍八步、
射鵰英雄傳、神鵰俠侶、倚天屠龍記、鹿鼎記。
發覺幾樣相同之處：主角開頭都係開得唔好，
他們都受到環境壓迫、他們各人心裡也有個結。
但他們怎樣可以成功？怎樣可以成名？
怎樣會成為讀者心目中的俠客？
當然，際遇是他們成功的鎖匙，
但他們自己決心、努力也是他們成功的要素！

我最欣賞是沒有對正與邪作過份的描寫。
雖然正與邪只是一個沒答案的個人看法，
但我們不是時常也要求別人有同樣看法嗎？
正與邪只是一個看法，就算是一個稱呼，那又如可？
試試回憶，你看這些劇集時，是不想任何人受傷害，而不是想那個人死！
我看了這麼多套劇集都只是想那件事快一點發生、那件事不要成功……
而那些反派所做的壞事，係可以理解，只是不應同吧了！

我開始覺得我理解那些所為壞人的看法，
當我理解他們的看法，我又開始對他們不大反感，只是不應同吧！
我又開始覺得呢個看法好危險，我驚我會成為一個別人眼中的壞人！

在小說中，我仲發覺一點，成功人仕是係鍾意隱居既！

Posted by 文盲 on April 03, 1998 at 22:18:10:

大日子

九月三日，大日子！

早上七時三十分，相約在最近學校的洪七公酒樓。

第一個去到的是關了早到五分鐘的是風鈴和宙斯。
他們坐了一張大乞兒檯，一個乞兒伙記便過來問飲咩茶。
『唔該三壺乞兒香片，同埋落單丫唔該。』風鈴說。
『仲要咩呢妹妹仔？』乞兒伙記口花花。
『乞兒雞粥、乞兒牛肉粥同乞兒狀元及底粥，各一盆。』風鈴說。

呢間酒樓以乞兒出名，門面乞兒、裝修乞兒連用具都乞兒。
若不仔細看，這間茶樓好像一堆舊木材，四週只得一種木色：
木色牆紙、木色天花、木色檯、木色椅和所有餐具瓷器都係木色；
還有，這間酒樓的所有菜名也是乞兒開頭。

在那些乞兒粥未到之前，除了關了遲到五分的雪碧外，各人先後來到。
棋王和飛貓先到，水龍頭、小鳳姐、雷公和兒歌馨亦一同來到。
這是再有三個人來到，一對情侶。
雷公問小鳳姐：『佢地係？』
當然，又係鍾意講人既兒歌馨答：
『果對情侶係方兆貴、陳心同，你可以叫佢地小鬼、邪童。』
『聽過你個名喇，聽講你好鬼大力個0禾。』小鬼說。
『飛貓捽0左隻幾日先冇時唔痛。甘你咪好大力囉？』邪童跟著小鬼說。
『食野啦，唔洗等雪碧啦！』棋王說。
『你次次都唔等我過0禾！』雪碧來了。
死要坐水龍頭的雪碧，要人比個位佢。
『雷公，你係唔係唔想返學丫？』雪碧見水龍頭的另一邊是小鳳姐，只好向雷公開刀。
『又唔係冇位，你坐0果個啦！』雷公唔想行。
『副校長丫，佢坐0左人個位丫！』雪碧向一個行過的中年男人說。
『你坐啦，你坐啦！』雷公急急讓了位。
雪碧第一時間坐底若無其事的同時，有三個人『續』親，其他人在忍笑中。
飛貓輕拍剛剛行到他身後的雷公，雷公不信冷冷的雪碧會講大話。
『坐0左你個位，等陣請番你飲野喇。』雪碧冷笑道。
『不如講下學校既野比佢聽。』小鳳姐關心地說。
『好丫，兒歌馨，你講啦。』水龍頭知雪碧唔鍾意講野，幫佢解圍。
兒歌馨開始說：『水龍頭係旅行社副會長，不過今年應該係會長喇。
佢同小鳳姐亦係體育社領隊，呢兩個會社呢我地個個都係會員。
另外，我係音樂學會會長、棋王係棋藝學會會長、風鈴係排球隊隊長、
飛貓係各球隊隊員、雪碧係排球隊副隊長和以上會社文書、宙思係以上會社物資。
小鬼同邪童以前就分別係男女童軍隊長，不過今年話一齊玩深資童軍。
雪碧到你講暗語喇。』兒歌馨只係鍾意講人。
『棋王，你講得夠清楚，你講啦。』水龍頭再幫雪解圍。
『你丫，都要好似阿龍哥甘丫，要句句幫住先得0架！』邪童一唱。
『哦，我會學下龍哥甘對雪姐架啦。』小鬼一和。
『喂！校長丫？丫唔係睇錯。』雪碧望向遠方。但係得雷公跟住望。
『我講啦！如過你行埋呢班其中一個人身邊，佢同你講：『密碼！』代表請你行開。
『醒目』代表負面，『精靈』代表正面。舉例：佢係醒目仔，代表唔係好人要小心；
佢好精靈，代表佢好人、可信。當然這些暗語係在人地面前講，唔明就事後先問啦。』
『我地既小鳳姐，雪碧姐、風靈姐同兒歌馨就最精靈0架喇！』邪童又一唱。
『但係同邪童比就差少少。』小鬼呢一和另大家都飽左半，起碼！
『校長、副校長，一齊丫？』雪碧再向兩個行過的中年男人說。
『仲黎？』雷公終於都無望喇！
『呢個新同學丫，甘快識得人仲一齊飲茶丫？』校長問。
雷公輕輕的點了頭，心裡興幸無在校長和副校長面前失儀。
『呢位新同學要學下呢班高材生喇，讀書同課外活動都好出識架。』校長再說。
校長和副校長就坐在雷公身旁，不受歡迎的副校長講了一句：『乞兒，分單。』
同校長比較熟的和寵愛的雪碧亦冷笑地回一句：『呢位先生係搭檯既，問埋佢飲咩茶丫唔該。』
同一時間，想討好老師的雷公，幫校長正在倒茶，各人清晰地看見他的動作減慢。
水龍頭很快地說了句：『呢位雷同學真係精靈喇，甘快就幫校長倒茶。』
這句說話就像一個測試，雷公合格了！他自動問副學長要唔要茶。
小鳳姐見雷公明白，便再說多個例子：『校長佢好鬼死精靈架，而副校長佢就好鬼醒目架。』
雷公點頭示意明白，之後便坐下吃其乞兒粥。
由於有校長在場，大家快快吃完便就了。可愛的校長死搶住張單，大家扮搶了單一陣便離開了。

在洪七公樓下有一種好特別的小巴目的地寫住『校車』。
並不是呢班人唔係懶惰唔肯行，係間學校再半山，
除了住在山上的同學外，要行上山最少行廿分鐘（山路）。
結果十一人上了車，只等五人便可以開車了。
棋王再同雷公講他們的一點規則：『我地稱自己做『精英』，
還有一樣野要知，我地呢班人係學校唔係好似太熟。
因為我地發覺，我地扮得越不相識，我地收既信息就越多，你明白嗎？』
剛說完，有兩個貌似方溫的上車，大家己經開似四圍望，扮唔識！
很快地又有三個人上車，司機大佬便開車了。
最後上車的三個人我們是相識的，是兩個同級同學兼著住馬路少年團制服。
其中一個是低他們一級、雪碧的堂妹丁天雲，十分可愛，別號小雲；
另外兩個以前一直也不同班，所以不太熟。
呢兩個人給人最深刻的印象是要別人綠公仔先準過馬路的馬路少年團。
好似叫倪君傑和張小強，個姓倪既和小雲坐，他的動靜好明顯係想追小雲。
小雲見到雪碧的時候只是笑一笑，就像不想承應她們的關係。
這一點對於果精英們一點也不出其，但那兩個馬路少年團和那兩個方溫仔係全不知情的，這是他們這班人最成功之處。

小巴一去到學校，精英們便四散了。
最大群的是理科班，有水龍頭、棋王、兒歌馨、小鬼和邪童。
另外的兩群是文科班的風鈴、宙斯、飛貓和商科班的小鳳姐、雪碧和新來的雷公。
雖然係唔同班，但係他們也有機會一起上堂。
因為每班只得唔個科目，其餘三個科目可以自由選擇，所以全級的人也有機會同班。
等了不久，集會中便打嚮了，開學日的第一個節目便是集會，
去集會的途中，中四的同學就像看成績一樣，看黎緊呢兩年既同學會是誰。
集會關例地是校長講一些勵志的說話，跟住係副校長和訓導主任。
集會完了畢便各班會自己班房，做一些班務：
抄下時間表、派下溥、選下班長，不到十二點便放食飯。

雷公冇冇聊聊地等到放學，佢又唔識人，
係佢果班佢只係識小鳳姐和雪碧，但他們整個上午都很忙。
好學生要幫老師，亦有可能，老師只係識佢地兩個。
雷公知到可以食飯不知幾開心，佢想行埋小鳳姐同雪碧那兒，
但又想起今朝棋王的話要扮唔識，正在不知點算之際，雪碧發現了。
雪碧拉小鳳姐去雷公身邊的同時，係甘打眼息，小鳳姐明白了。
小鳳姐公開地介紹雷公給其他同學識，並說明了補習社相識的經過。
之後便領著雪碧和雷公上了的士，其實係同搭其他交通公具差不多價錢。
他們上了車之後，野都唔洗講，司機便開車了。
『流亦思丫唔該！』小鳳姐對肥司機說。
『流亦思？跑手黎0架？』雷公問。
『去到你就知啦！』雪碧冷冷地說。
這時的雷公己經明白只會雪碧冷冷地說話。
『喂！你睇下！』小鳳姐輕拍雪碧。
在紅綠燈橫過馬路的一對男女就是今天見到的倪君傑和小雲，態度曖昧。
『果個係唔係好人黎架？』小鳳姐問。換來的只是兩對眼睛望住！
『到喇！』肥司機大佬說。
『流亦思茶餐廳！』雷公望著茶餐廳的招牌說。
『夠快！明白咪？』雪碧冷說。
三人一進去，伙記們都向樓梯指一指。
雷公一上到去便說：『又一個老地方？』
他看見今朝一齊飲茶的精英們又坐在一起吃飯。
一個伙記上黎幫他們落單，個伙記哩頭行落去落單，果頭便用升降機升餐飽同餐湯上黎。
分好湯後，架升降機又升飯上黎，不到三分鐘所有野都黎齊了。
『我地個班主任係算盤，我稔你地都係佢教數學。』兒歌馨說。
『點解叫算盤？』雷公問。
『你知算盤是用途嗎？』棋王反問。
『古代人用黎計數！』雷公答。
『全中，不過最好講成係古代人用黎計加減數。』風鈴說。
『甘你知唔知用算盤用黎計我地張會學既數會點？』棋王答。
『明白，甘你地有冇相熟補習老師丫？』雷公笑說。
『精靈雷公丫！』小鳳姐說。
『甘我地個班主任叫咩名丫？』雷公又問。
『女殺手！』雪碧說。
『佢又係教我地英文0禾！』風鈴說。
『甘我地個班主任禿鷹又係教晒三班中文！』宙斯說。
『你唔好話理解唔倒咩係女殺手同禿鷹丫！』飛貓說。
雷公笑了一笑，便繼續食飯。
『你估下我地剛才見到邊個？』兒歌馨又開似講人！
『我要食啖牛扒！』邪童散嬌！
『我又要食啖豬扒！』小鬼又散返個叫。
兒歌馨見冇人理，便自己繼續講：『我見到個隻馬路少年團同小雲一齊！』
『果個男仔係唔係好人黎架？』小鳳姐開始和兒歌馨講人。
『喂！你果班個0禾，你問人！』兒歌馨說。
『但係我果班果個張小強就唔係好人喇！呢今朝同佢一齊好似好老友果個呢。』飛貓說。
『你同你堂妹好好講下啦，我對佢冇咩好感！』小鳳姐對雪碧說。
『會喇！點半先上堂，重有成個鐘做咩丫？』雪碧問各位。
『去機舖丫？』雷公說。各人都望住佢但不說話。
好人的棋王說：『呢度附近每間機舖都有隻風紀看住門口0架，唔好搏！』
『甘行街啦！』風鈴說。風鈴提意完就一定會聽到一聲：『好丫！』，冇錯就係宙斯。
『甘照舊啦！棋王行啦！』水龍頭同各位說聲再見後，轉身便行。
棋王拉左雷公行，飛貓同宙斯分別望一望小鳳姐同風鈴才行。
五個男人唔去機舖，可以去邊？行電腦中心和模型舖。
小鬼同邪童就唔知去左邊拍拖，其餘果四個女人就去睇衫。

預備上堂鐘又再嚮起了，冇堂上的水龍頭同他的班長點完名後，
便慢慢的行去學校大堂搵張檯冇聊。
一坐低，上堂鐘便嚮起來。這時，面向大門的水龍頭，
看見四個女學生慢慢行入黎，鐘未嚮完，未算遲到！
最離普既就係佢地四個竟然拎住四袋新買既衫！
小鳳姐、風鈴同兒歌馨比左佢地果三袋衫比冇堂上的雪碧。
雪碧拎住四袋衫行去水龍頭張檯，稔住同佢坐。
水龍頭大大聲一句：『密碼！』
『玩野丫？』雪碧知水龍頭玩野，不理『密碼』，坐在水龍頭身旁。
就在這時，著住馬路少年團的倪君傑和正常校服小雲返到來。
看門口的是倪君傑的老死，好明顯倪君傑係在遲到溥上扮寫名，跟住還拉小雲去上堂！
水龍頭和雪碧見倒倪君傑的老死想叫佢地寫番個名，但係又不好意思。
不好意思的還有小雲，從被倪君傑拉走的小雲面上可見。
雪碧向著水龍頭搖搖頭，說：『唔好理人甘多啦，我比你睇下我買左咩衫啦。』
水龍頭好專心甘扮好有興趣睇女人衫甘睇左成廿分鐘。
『你記唔記得下星期既今日係咩日子丫？』雪碧問。
『冇野做不如打排球啦！』水龍頭提意，還開始去拿個排球玩。

次日清晨，大家以經會復返學狀態，亦冇一起飲早茶。除0左……
『其實你食左甘多次，你知唔知呢間野叫咩名0架？』
『間野係你屋企樓下，我唔知架。我識黎，又知好食走得啦。』
『斷腸崖！』
『好名丫，呢度日日斷腸，前面又有個山崖。不過，咩甘似唔知邊套武俠片既地方名。』
『你真係唔知0架？』
『食啦，要返學架啦。』

水龍頭一入都班房，棋王就同佢講：『你又同雪碧食豬腸粉丫？』
『你點知架？』水龍頭驚訝地問。
『下次抹嘴啦！』棋王輕輕地笑。
頭兩堂是算盤教數學，對暑期練習答案，悶都死！
坐在水龍頭前面的兒歌馨鬼甘醒目，買0左成份麥記早餐，係抽屜內用刀叉食早餐！
小鬼同邪童都唔弱，兩個人分一碗粥。棋王就餓到鬼甘！
水龍頭和棋王一到小息邊去買學校小食部野飲同野食。
食完之後便回班房上堂，呢堂係禿鷹教中文，各同學輪住讀閱讀報告，仲悶！
全班都好懶惰，個個都係做經典故事書。試想想在個幾鐘之內聽成幾次白雪公主、
幾次灰姑娘、再黎幾次三隻小豬、整多幾次狼來了……點頂！
小息時間又到了，大家都好想死，仲要知到下一堂係對英文習作！
棋王頂不住問大家：『捉唔捉棋丫？我去棋藝櫃拎！』
『我地要康樂棋！』小鬼和邪童齊聲道！
兒歌馨搖搖頭，正在整理雷射碟機的聽筒。
『我同你去啦。』水龍頭說。
『去廁所先0禾！』棋王說。

在廁所，有一格的門關上。重有煙昇起！
『溝到未丫？』
『就得架啦，你有冇睇中？』
『冇丫！佢知唔知你食煙架？』
『點講得比佢聽架！』
水龍頭和棋王放完水之後便離開廁所，但係佢地冇立即去棋藝櫃。
他們在廁所不遠的地方，看誰會在廁所出來。
原來和他們小便相逢的是倪君傑和張小強，佢地講『溝緊』果個應該係小雲。
回到班房時，英文老師女殺手己經到了，不過他們沒有錯過最精彩的一幕。
女殺手在腰間拿出他的膠手套，之後慢慢穿上。仔細地張揚聲器的插頭接上。
看著女殺手的動作，邪童禁不住自己的嘴巴，唱起歌來：
『女殺手……登登登，
女殺手……登登登，
女殺手，女殺手，天生一副好身手，
智勇相全膽又壯……』
唱到呢道，全班都忍笑起來，包括唱歌者。
這一堂在棋局中渡過！

精英們又在流亦思吃飯。
水龍頭和棋王張他們的小便奇遇講比大家聽。
吃完飯大家便返學校，打陣波，之後便上他們期待，十一精英一起上的電腦課。

一班廿人的電腦班除了精英們自己外，其他都不太相熟。
期待己久的新來電腦科老師江老師來了，他手震震地用鎖匙開了電腦房門。
他是一個剛剛畢業的老師，外貌都幾討好。
『哇！新電腦丫！』各人心裡各自喜歡！
『不要開電腦住。』江老師第一句己經很不受歡迎！
說了一輪廢話，再說一輪規則之後，終於可以開機了！

放學後，有兩位同學話：
『重以為新機點好點好，個鍵盤重噪音過打字機！』
『鍵盤都可以，個風扇先得人驚，一開機以為自己開左部吸塵機！』

-待續-

Posted by 文盲 on March 20, 1998 at 21:24:21:

後山沙灘派對

集合地點：龍家附近的地下火車站。

時間：龍爸媽回家前最後一天的下午兩點

人物： 李星龍–水龍頭
李月鳳–小鳳姐
童謠馨–兒歌馨
王棋—-棋王
石風鈴–風鈴
丁天雪–雪碧
富妙飛–飛貓
雷霆雲–雷公
溫思宙–宙斯

目的地：龍家後山沙灘

經過：

一點五十五分，雷霆雲第一個到，
雷霆雲在李星龍指定的左邊數起的第二部售票機後等。
由於一搬人只會用售票機的正前方來買車票，
售票機後面既空位係冇人會理、冇人會用。

一分鐘後，石風鈴輕輕地哼著她心愛的少女情懷歌曲，
彈下彈下甘彈埋去佢同大家既老地方。
『哇！』石風鈴看見一件非州樣佔據了她的老地方不高興兼好驚大叫同成個彈開！
請留意雷霆雲這時正笑住口準備打招呼，
但他己經被差不多彈到去第一部售票機的石風鈴嚇親！

這時，身形樣貌細少得像『方溫仔』（Form 1 仔）的溫宙斯飛奔來老地方救他的主人石風鈴。
這個細少的溫思宙拉住受驚的主人往地下火車站的當眼處。
遠處的王棋、富妙飛見石風鈴和溫思宙不在老地方等，快步趕來。
王棋和富妙飛得知老地方被人佔據，
開始扮無野四圍行同間唔中望下老地方。

兩點零五分，丁天雪喝著她的標誌飲品雪碧甘瓢下瓢下瓢去老地方。
王棋見丁天雪急急瓢往老地方想去叫她過來，但他只是想過一想。
大家望著丁天雪入了老地方，只是遠遠的望著她希望她冇事。
雷霆雲對丁天雪笑了一笑，丁天雪回一個冷冷的輕笑。
大家見丁天雪冇事便由棋王去叫丁天雪出來等。

兩點零七分，李星龍、李月鳳和童謠馨終於趕到來。

『做乜企晒出黎？』李星龍向大家問道。
『遲甘多架，仲遲過雪碧姐！』石風鈴諷刺丁天雪。
李月鳳發現雷霆雲乖乖地在老地方守候，便去接他過來。
李星龍見雷霆雲正步過來，便說：『同你地介紹，我地下年既同學雷霆雲。』
『雪碧，係我地既同班同學。』李月鳳高興地說。
『剛才唔好意思，嚇親你！』雷霆雲不好意思地對石風鈴說。
『唔緊要。下次比我嚇番丫，要驚0架！』回復正常的石風鈴跳皮地說。
『行啦。我地去搭小巴。』發號司令的當然是李星龍。
一開始行，便可知道誰是誰的朋友。
李星龍照顧著新加入的雷霆雲行頭，
丁天雪行在李星龍旁。
李月鳳和童謠馨、石風鈴和溫思宙行在一起。
王棋和富妙飛殿後。
丁天雪問李星龍和雷霆雲：『你地補習果陣識架？』
『好記性禾，你應得佢呢！』李星龍讚道。
不知不覺，大家己經上了小巴。
『點叫你方便？』丁天雪問雷霆雲。
『你可以叫我雷公，人地話我個樣似。』雷霆雲成實地說。
『喂！兄弟，大家可以叫佢雷公啦。』李星龍向大家公佈。
『佢呢就叫水龍頭，係佢阿媽即係我阿媽改既！』李月鳳向雷公介紹。
『點解既？』雷公奇道。
『佢細個果陣好冇手尾0架，成日唔關水龍頭，
佢阿媽一見佢又冇關水龍頭就會大叫水龍頭，
我記得叫到成十歲佢先再冇唔記得。』童謠馨扮熟地說。
『佢呢就係童謠馨，大家都叫佢做兒歌馨，你明解0架啦。』李月鳳繼續介紹。
『呢件呢就係小鳳姐喇，你古下點解大家甘叫佢？』兒歌馨急不及待爆人私隱。
『唔好話佢，我都唔知！』富妙飛想答嘴好耐，終於有機會。
『未到你丫，坐好唔好郁！』小鳳姐扮怒道。
兒歌馨見雷公默不作聲，便說：『佢方溫果陣，參加歌唱比賽唱小鳳姐既歌，
仲獲得最佳台風獎，好自豪！當時我地叫佢小鳳姐，不知幾開心；而家就話煩。』
『我地第一次見，同我一齊果個女仔叫丁天雪，個個都叫佢雪碧0架。』水龍頭的唯一推介。
『剛才比你嚇親果個叫石風鈴，唔別號，就甘叫佢風鈴就得0架喇。
佢身邊果個係溫思宙，宙斯係風鈴隻寵物，佢好聽風鈴話0架。』小鳳姐繼續介紹。
『唔好甘講啦，我地由細玩到大，就好似兩姐弟甘，你地唔好成日蝦佢啦。』風鈴替宙思抱不平。
『我係王棋，佢地個個都叫棋王。』棋王自我介紹。
『唔好同佢捉棋丫，佢剛剛贏0左第一屆學生中國象棋比賽。』兒歌馨又爆料。
『你既消息都好靈通0禾！仲有，呢件係飛貓。』棋王好心地介紹飛貓。
『我真名叫富妙飛，你好！』飛貓竟然伸手同人握，雷公冇心一手拍過去，飛貓隻手甘就痛幾日。

不久小巴便到了，幾個男仔一下車便掉宙斯的排球落沙灘踢，開始他們的沙灘足球賽。
『你地唔好甘啦！你地去晒踢波，甘我地點丫？』小鳳姐大叫。
『你地想玩咩丫？』水龍頭問。
『玩樣文靜少少既野啦！』小鳳姐乍哥哥嬌。
『我地唔玩堆沙0架！』只愛玩球類遊戲的飛貓叫。
『我地唔玩煮飯仔0架！』上次洗完碗驚0左既棋王諷刺小鳳姐同風鈴。
『你同我過黎！』小鳳姐怒道。
棋王不理，還得嘁地繼續踢足球。『宙斯，你同我捉佢過黎。』風鈴怒道。
棋王飛快的去自首，『現在比個將功贖罪的幾會比你，你快少少稔樣爺出黎玩。』小鳳姐命令。
『我地打排球，四男打四女，畫線，打廿一分一局過，輸0左請大家飲野。』風鈴道。
『好丫！』雷公口快快答應了。另外三個男人牛甘眼望住佢。
龍解析道：『佢地係學校排球隊0架，風鈴係隊長、兒歌馨係副隊長。』
『佢地上年係學界季軍！』飛貓補多一句。
『你地識唔識打排球？』雷公問。
『我地三個都可以，係驚你乍！』水龍頭笑道。
『睇波喇！』雪碧一個波飛埋睇落最好蝦既宙斯身上。
宙斯第一傳好靚甘比0左飛貓，飛貓亦升得好靚比雷公。
想不到雷公殺波竟然癲到用第二時間殺波！
這一球女子隊接不到，還驚覺男子隊不是好蝦！
在另一邊廂，棋王己經想好有咩玩，並開始欣賞球賽。

故意輸的男子隊去買完野飲回來。
『剛才做了一個統計。』棋王道，大家細心看他的報告（在沙上寫的數字）。
『呢個11點解？』飛貓問。
『係雷公殺波得分11次，救球4次；
水龍頭殺波得分4次，救球6次；
飛貓殺波得分5次，救球6次；
宙斯殺波得分1次，救球15次；
風鈴殺波得分7次，救球5次；
兒哥馨殺波得分6次，救球6次；
小鳳姐殺波得分4次，救球8次；
雪碧殺波得分4次，救球8次；』棋王說。
『宙斯好勁丫，救得最多波係佢丫！甘呢行打直既25157642咩黎0架？電話丫？』風鈴高興地問。
『你真係想知？』棋王跳皮地說。
『講啦。』小鳳姐不耐煩地說。
『宙斯唔小心跌低左2次，比人打中快面5次，比人打中心口1次，比人打中腹部5次，
甩左鞋帶7次，捽右手六次，捽左手4次，仲踩波車左2次。』棋王對宙斯的專人記錄。
『打排球都踩波車，你睇錯乍！』飛貓不信。
『喂，係唔係玩第二樣野丫？』棋王不理飛貓向大家問。
『講黎聽下點玩。』小鳳姐問。
『我地要一個公證，然後將乘餘既人分成兩隊。
這表示一隊四個人，每隊最少有一個要做人工盲人，
其餘的便是指導員，指導人工盲人。
做人工盲人既方法係用個袋（書包、背囊）笠住個頭。
全部係人工盲人都可以，但冇幾會贏。
我地畫個好大既作戰地域，每隊都畫一個機地在兩旁，然後畫條中線。
將個排球放在中線上其中一點上，然後兩隊既人工盲人由機地出發，
去中線將個排球運回機地。但各人工盲人要在公證開始放排球之前要盲，
由那時開始指導員就指導人工盲人去搶排球，同回機地。
運既方法係用腳踢，當所有隊員和排球都左自己機地甘就可以得一分，
先得五分贏，輸果隊請全部人食飯。還有，所有人都不可以有故意既身體接觸。
犯規既人會罰不準參與那局，明唔明白？』棋王說。
大家都明白。『甘咪好似人地玩黑夜搶軍旗甘？』飛貓道。
『全中！由水龍頭同小鳳姐差人啦，佢地兩個一隊就唔洗玩0架啦。』棋王道。
分隊結果係水龍頭、棋王、雪碧和雷公一隊；
小鳳姐、兒歌馨、風鈴和宙斯另一隊，慣了被遺棄的飛貓做公證。
在未開始之前，兩隊人各自部處。
在水龍頭那邊，水龍頭說：『棋王，有冇竅門丫？』
『我稔最重要既係溝通，指導員要明白人工盲人既苦況，
所以我地最好每人都試下每個角色，然後明白自己識合做咩。』棋王道。
『好啦，我同雷公拍，你同雪碧拍，有冇問題？』龍分工。
大家自信地點頭。
另一邊……
『我地兩個兩個一組，自己選擇做唔做人工盲人。』小鳳姐分工。
『揀好0左就唔好轉啦，工多藝熟嘛！』風鈴補多一句。

第一局，水龍頭指導雷公、棋王指導雪碧；小鳳姐指導兒歌馨、風鈴指導宙斯。
大家完全唔知做咩，指導員叫人工盲人轉左，人工盲人便轉右；
指導員叫人工盲人行，人工盲人便爬！
飛貓評語：『我去左小食亭買0左個麵。食完。等到開始餓。再買麵。再食完。
先見小鳳姐果隊踢左個排球入機地，再過十五分鐘小鳳姐果隊先全部會到機地。
而水龍頭果隊得知自己會輸之後，竟然做陷阱！』

第二局，雷公指導水龍頭、雪碧指導棋王；小鳳姐指導兒歌馨、風鈴指導宙斯。
大家開始明白這個遊戲，指導員叫人工盲人轉左，人工盲人便轉左少少；
指導員叫人工盲人行，人工盲人便慢慢行！
飛貓評語：『因為食0左兩個麵。有少少眼訓，訓著了，大約在第三次『盅』醒既時後……
見風鈴指導既宙斯因不信風鈴叫他跳，行入了雷公剛才做既陷阱，
『碌』低0左，仲打0左個『關斗』。攪到我笑醒0左，訓唔番。
過十五分鐘小鳳姐果隊先全部會到機地。
而水龍頭果隊依然唔知做咩，最後都係做陷阱！』

第三局，水龍頭指導雷公、雪碧指導棋王；小鳳姐指導兒歌馨、風鈴指導宙斯。
水龍頭果隊己經明白各自識合既角色，大家都對自己既拍擋開始有信心。
飛貓評語：『今次快好多喇，我去買野飲，買完野一番黎都未坐低，小鳳姐果隊就贏左喇。
不過，水龍頭果隊勁左好多，開始有間唔中踢下個波。』

第四局，水龍頭指導雷公、雪碧指導棋王；小鳳姐指導兒歌馨、風鈴指導宙斯。
水龍頭果隊己經明白各自識合既角色，還開始配合得幾好。另外，大家都對自己既拍擋開始有信心。
飛貓評語：『今次好快，我罐野飲都只係飲左兩啖，水龍頭果隊就贏左喇。
水龍頭果隊好勁，兩個人工盲人竟然會交波！小鳳姐果隊都係甘啦，冇進步！』

第五局，水龍頭指導雷公、雪碧指導棋王；兒歌馨指導小鳳姐、宙斯指導風鈴。
水龍頭果隊合作得好好。另一邊，小鳳姐果隊開始換人想試下會唔會好些。
飛貓評語：『今次仲快，我罐野飲都未飲左，水龍頭果隊就贏左喇。
水龍頭果隊好堅，兩個人工盲人好似開眼一樣！小鳳姐果隊仲衰過上次！』

第六局，水龍頭指導雷公、雪碧指導棋王；小鳳姐指導兒歌馨、風鈴指導宙斯。
水龍頭果隊合作得好好。另一邊，小鳳姐果隊換番舊配搭。
飛貓評語：『今次好快，我罐野飲都只係飲左一啖，水龍頭果隊就贏左喇。三比三平手！
水龍頭果隊好堅，兩個人工盲人開始識『產』波！小鳳姐果隊就進步好多，開始識得返擊下！』

第七局，水龍頭指導雷公、雪碧指導棋王；小鳳姐指導兒歌馨、風鈴指導宙斯。
水龍頭果隊合作依然好好。另一邊，小鳳姐果隊換番舊配搭後，開始勁起上黎。
飛貓評語：『今次好快，我罐野飲竟然可以飲兩啖，水龍頭果隊就贏左喇。
水龍頭果隊好堅、小鳳姐果隊亦不錯，互有攻守五五波！』

第八局，水龍頭指導雷公、雪碧指導棋王；小鳳姐指導兒歌馨、風鈴和宙斯。
水龍頭果隊合作正常。另一邊，小鳳姐果隊竟然用風鈴和宙斯守在水龍頭的機地前。
飛貓評語：『今次好精彩，我飲晒成罐野，水龍頭果隊就低輸喇。
小鳳姐果隊今次用既戰略好好，每逢水龍頭果隊有機會將個排球接近自己機地，佢地就大腳解圍！』

第九局（決勝局），水龍頭指導雷公、雪碧指導棋王；小鳳姐指導兒歌馨、風鈴和宙斯。
水龍頭果隊合作正常。小鳳姐果隊用上次戰勝既策略。
飛貓評語：『今次好鬼精彩，我口喝都冇去買野飲！
小鳳姐果隊用番上次既戰略，發揮得好好！
水龍頭果隊就用好多假身，另到小鳳姐指揮得好忙！
由於水龍頭和雪碧兩果人都好用心去引風鈴和宙斯。
終於被水龍頭成隊連人帶波番左機地，水龍頭果隊贏了！』

『終於有飯食啦！』悶左成日既飛貓說。
『請食晚餐啦！去我地屋企樓下食啦。』小鳳姐提議。
比錢既又讚成，唔洗比錢既亦都冇所為。
這次聚會就在食完這餐晚飯後完結。

翌日，龍爸媽回來。
龍爸媽回來後，很滿意李星龍和李月鳳既學習進道。

在暑假最後既呢個星期，李星龍、李月鳳和童謠馨在李家平靜渡過。
望著新買既教科書，他們三人祈望著新一個學年既開始！

-待續-