失物待領

Posted by 文盲 on March 05, 1998 at 22:01:36:

分手

『我們可以分手了！』
『我們終於可以分手了！』
男的吃他最喜愛的牛扒；
女的吃她愛吃的沙律。
吃完飯後，他們一同回家。

這個家，有剛分手的孖生兄妹李星龍同李月鳳和其父母！
兩兄妹點分手呢？他們唔係亂倫呀！
由於他們是孖生的關係，他們一同經歷每一個成長過程。
他們兩人的樣子也不錯，外形親切討好。
性格亦很相似，為人樂觀、開朗、聰明、重感情，但很執著！
他們這兩個一同面對世界的人感情很好，
一同讀幼稚園、一同讀小學、一同學游泳、一同讀中學……
唔知點解，在中一的某一天，龍覺得很辛苦。
又唔知係唔係龍的感染力強，鳳也覺得很辛苦。
他們一直都唔明他們點解唔開心，
直到他們中一年終見家長時他們明白了。
『妹妹，唔洗驚。我地用0左心機讀，考得好唔好，都唔緊要啦。』
『哥哥呀，我地大家一齊讀就知我地有用心，但係爸爸媽媽唔知道呀嘛。』
『我同你成績差唔多，被人話咪兩份。』
『我就係驚一個考得好，一個考得差！』
這一刻開始，他們明白了，他們兩個要一直比較，唔知幾時方可停止！
今天，龍和鳳終於可以分開了！
因為今天是中三派成績表的日子，
這張成績表最另人興奮的地方，不是李星龍考第一，李月鳳考第二，
而是下年他們只得兩科一齊上，但他們終於唔同班了！

這天晚上，龍爸媽回來得晚了一點，
好彩今晚龍爸媽不是叫他們兩兄妹煮飯，
如果唔係，他們兩兄妹實唔等龍爸媽。（有點不孝）
龍爸媽原來去了搵帶他們兩兄妹去旅行既資料！
這晚餐他們一家人吃得很高興，
一邊看旅遊資料，一邊吃飯。
龍爸媽真愛他們！

由於有一個長假期，龍和鳳決定夜訓！
『哥呀，你想唔想去？』
『你呢？』
『問得你都知我想點啦！』
『妹妹，我都唔想去，但係阿爸阿媽一番心意！』
『哪，係推就一齊講！』
『阿爸阿媽係想獎勵我地。』
『當唔知啦！』
『當陪佢地去玩啦。』
『知你孝心喇，係獎勵我地呀嘛，你有冇其他野想要？』
『稔緊。』
『幫我稔埋啦，我都稔唔倒！』
『稔倒啦，早點訓，明天煮早餐！』

早上七時正，睡了一半的他們，
用了半力去煮早餐給龍爸媽。
龍爸媽坐定後便開始他們的計劃：
龍先開口：『阿爸，去歐洲好！』
鳳幫拖：『係呀阿媽，我睇過去歐洲好多野玩呀。』
龍又出招了：『有個仲話坐遊輪0忝！』
鳳補上：『我地不如參加果團啦。』
他們停口了，龍媽說：『果團去成十幾日個0禾！』
龍爸說：『都幾貴個禾！』
龍又黎喇：『我地都知！』
鳳再黎：『我地又唔係成日去！』
龍爸笑說：『好啦，就甘決定！』
龍埋尾：『甘你地玩得開心D喇！』
龍爸瞪大對眼射住龍！
龍認真地說：『我同妹妹商量過，我地想要一個學習獨立的機會。』
鳳也正經起來：『爸爸媽媽呀，我地話大雖然不是…』
龍又講：『但係我地都唔係細啦…』
鳳：『由細到大我地都係你地身邊…』
龍：『我地唔可以成世都係甘…』
鳳：『始終有一日我地要獨立…』
龍：『不如比我地一個機會試下自己生活…』
鳳：『唔洗擔心我0架，有阿哥照顧我…』
龍：『我地最多每個星期六日都去搵阿爺同阿公飲茶…』
鳳：『講真，爸爸你都好耐冇同媽媽去旅行、去玩啦…』
龍：『信我地啦，我地可以自己照顧自己0架…』
這時，『鍊鍊…鍊鍊…鍊鍊…鍊鍊…鍊鍊…鍊鍊…』電話響。
『妖！』龍同鳳心內怒叫著同一個字，記住係怒叫。
龍平淡地說：『喂，個電話你0架！』【按一】
鳳接這個破壞他們大計的電話：『喂！』
『我係飛貓呀。』飛貓係他們的同級同學兼同大廈鄰居。
被人破壞完大計唔開心的鳳說：『咩事？』
『冇，我想問下你今個暑假點過？』
放暑假的第一個早上八時未久問這個問題……會唔會早少少？
『未知！』龍己經見他的妹妹想死！
『你同你阿哥有咩玩預埋我丫！』還不知自己煩緊人的飛貓說。
『仲有冇野？』死鳳問。
『你有野做呀？』煩人飛貓說。
『有呀！』第二次死的鳳。
『唔阻你啦，拜拜！』煩人說。
講完，死得十分慘的鳳！
這時龍爸說：『我地返工喇，今晚先再講啦！』
龍媽說：『你地稔下今個暑假會做咩啦。』

大門一關，一個妖字從這家的兩角傳出！
不久，龍鳳昏迷巨響又傳出了！

『釘釘…釘釘…釘釘…釘釘…釘釘…（阿龍，有電話搵你呀！）』龍的電話大叫。
『喂……』睡得正好的龍俾出的反應。
『喂，我係丁天雪，唔好意思，係唔係阻住你訓覺呀？』一把很冰冷的聲音。
『唔緊要！』龍看看鐘再說：『哇！成十二點0架哪！係喇，你搵我咩事？』
『我想問你借野，你這個旅行會副會長係唔係有大嶼山地圖？』冰冷得好好聽既聲音！
『有，你幾時要？』龍問。
『你今日或明天俾我可以嘛？』雪問。
『今天下午食下午茶？』龍笑住問。
『三點半會唔會太早？』雪仍然很冷淡的問。
『等陣三點半你屋企樓下間豬腸粉店等。』龍高興地說。
『等陣見，拜拜。』很冷的再見！
丁天雪是龍和鳳的這三年中學的同學，下年會和鳳同班。
為人好心、醒目，不善表達自己，不愛說話，唔識做表情，外表冷豔！

要起身的龍，一出門口便很邪地見鳳伏在門口。
『邊個打比你？』鳳得意地問。
『多事！』龍不以為意。
『唔講算！食野先啦，我煮0左飯，你等陣洗碗呀！』鳳冇癮了。
『食完喇，餓嘛！』鳳去拿紙筆。『哥呀，你稔到今個暑假點過未丫？』
『一邊講一邊食啦！』龍開始食天才廚師鳳煮既即食齋麵。
『哪，我地一三五晚要去鍊水，星期六搵阿爺飲茶，星期日就搵阿公。其他時間點？』鳳問。
『星期一至五早上做暑期功課，下午有咩做丫？』龍問。
『等我決定星期六日下午至晚上同平日晚上休息！』鳳精靈地說。
『我都知，但係星期一至五下午做咩呢？』龍問。
『你作主啦！』鳳倚賴地說。
『不如我地去學電腦丫？』龍高興地問。
『好丫，剛巧我們下年要學電腦，好提議！』鳳高興地說。
『如果冇得學，我地就學英文啦！』龍再說。
『就甘決定啦！』鳳同意。
『妹呀，唔該拎張大嶼山地圖比我！』龍試圖冷淡地說
『剛才打俾你果個係阿雪？』鳳跳皮地說。
『唔該啦，等陣要俾佢喇。』龍誠意地說。
『睇你表現啦！』鳳依然跳皮地說。

一間唔係好多人的豬腸粉店。
準時的龍準時到了，如常地雪遲了五分鐘。
『唔好意思，遲了一點點。』雪冰冷地說。
『唔緊要，你要既地圖。』龍扮雪冰冷地說。
『叫野食丫，我請客！』雪笑說。
食不言，枕不語。係唔係代表：有所思，有所夢？
兩人不說話，但係兩人的心內正在想什麼？古怪！古怪！
吃完古怪豬腸粉，兩人便各自回家！

地鐵上一對男女在談話。
女的說：『不如由佢地啦！』
男的說：『但係仲細0和！』
『唔細0架哪！』
『我係驚佢地唔知想搞咩！』
『唔會0既！』
『哪，一係甘。我地問佢地有冇拍拖，睇佢地點講啦。』
『我地只係見過佢地一兩次同其他男女一齊。』
『睇下佢地點講先算啦！』
『其實你想唔想0架？』
『都甘多年喇，都應該休息下散下心！』
『差不多唔記得咩叫二人世界！』
由於話甘快就到既關係，他兩便隨人群離開人群。

『釘釘…釘釘…釘釘…釘釘…釘釘…』龍的電話急急地叫龍。
『喂？』龍接聽電話。
『我係王棋呀，請食飯呀！』棋說道。
王棋是龍和鳳的這三年中學的同學，下年會和龍同班。
人稱棋王，由中一開始便是學校的棋賽冠軍人馬。
喜愛幫朋友，理智（只識用於學習和棋藝），但其貌不揚。
『點呀棋王，你又幫0左我咩呀？』龍問。
『冇得傾，有飯食先講！』棋無情但跳皮地說。
『你話食咩未食咩啦！』龍無選擇下應承了這個好朋友。
他把在地鐵上聽到龍爸媽的對話復述一次。
『唔該，今晚再搵你！』龍感激地說。
電話飛回原位的同時龍亦大叫：『妹，阿爸同阿媽等陣會問我地有冇拍拖！』
『點解呀？』鳳驚訝地問。
『剛才阿爸同阿媽係地鐵度……』龍復述給鳳聽。
『佢會唔會耍我地0架？』鳳問。
龍自信地說：『唔會，佢係咩人你同我都知。
記住我地要話冇拖拍，但係久唔久都會同其他異性去下街。』
這時，大門開了，爸媽回來了。
他們放下他們的公事包，便帶領龍鳳去飯堂–茶餐廳。

點完菜後，大家靜了一會兒。
『你地真係好想獨自留下來？』龍爸終於開口了。
『係呀，我地真係想試下獨立。』龍說。
『你地係唔係想帶朋友仔返屋企玩，唔想比我地知呀？』龍媽問。
『我地只係想試下自己照顧自己，唔係貪玩！』鳳說。
龍和鳳互望一眼，龍話去廁所，離開了這張檯。
『鳳呀，你丫哥係唔係拍緊拖呀？』龍媽問。
『阿哥冇丫，但係好似成日有女仔約下佢，
不過佢都唔鍾意佢地，阿哥又唔想拍拖。』
這時，龍返回這張檯，菜亦來了。
鳳很快便吃飽了，向龍望了一眼，除即向廁所方向行去。
龍爸說：『龍，你阿妹係唔係同緊人拍拖？』
龍想了一想，答：『冇呀，你地見佢同邊個一齊？點樣架？』
龍爸說：『唔記得啦。』
鳳回來了。他們一家也吃飽了，一起回家。

回家後，龍爸便同龍鳳兩兄妹說：
『你地個暑假稔住點過？』龍媽問。
鳳答：『我地寫好了，你地睇下。』
龍爸媽，看了他們的報告一次。
龍爸媽互望了一眼，龍爸說：
『我同你地阿媽決定，下星期我地去加拿大去探朋友，一個月返。』
龍開心地說：『我地會自己照顧自己！』
鳳十分開心地說：『你地放心啦！』

這天晚上，龍和鳳睡得很高興。
他們最高興的是–他們很快便可以冇人管一大個月了。

【按一】
中二時，李月鳳考第一，李星龍考第二。
龍爸媽給他們的禮物是，一人一條電話線。

-待續-

Posted by 文盲 on March 18, 1998 at 18:06:44:

角色

一個人在不同的時候，不同的地方有著不同的角色。
還記得在小時候，爸媽供養我們、照顧我們、管教我們……
他們竟然可以一身肩負上這麼多的角色，其實一點也不容易！
就是衡量要嚴勵、還是呵護，因頑皮而受傷的你，
要考慮的事情也可以寫論文了！

現在，我們都算是長大了，很多角色，我們己經演得來。
俗語有云：『好命既都做左人父母。』
我們大多數有能力照顧他人，甚至嬰兒。
但我們每天的生活中應然會遇上不小人事問題，其中不少便是角色問題。

對家人我們有問題，對朋友我們有問題，
甚至對我們的另一半我們都有問題！
對家人，『家家有本難念的經』，每個家庭也不同。
以我自己為例，常常以為大家了解好深，不去媾通，
久而久之，大家便不明白對方，更開始麻怨對方！
對朋友，大家各有不同看法，有人看利益、有人看感情、有人看樣貌、有人尋開心……
大家也本不同的心態，每個人對朋友好不好，演這個角色成不成功，自有公論。
對我們的另一半，我相信這是我們面對的最大的問題，還可以說是最不想面對的問題。
這會不會是我們最遲才發展到有這種人種？我們面對得太少不懂面對？
老實講，我也時常不懂怎樣面對這種人種！
和朋友閒談間，我覺得這是角色問題！
大家試想想，女朋友或男朋友會不會是朋友的一種？
我覺得是朋友的一種，還是最好的一種，再加上愛情。
這演變出很多不同變化的角色，
朋友、情人、保母、司機、秘書、苦力、聽眾、出氣袋……甚至父女、母子。
你試回憶，你和你的另一半未開始愛情之前，是否關係很好？
係唔係因為你們之間的關係，大部份都只是建立在朋友這角色身上？
但在開始了愛情之後，點解會發生甘多問題？
我覺得係因為……

就像我們玩『鋤大D』一樣，有好牌唔一定會贏，
要在識當的時候出牌才是最聰明的。要關係好，就要懂得出牌！
在另一半面前何時係情人、何時係朋友、何的係聽眾、何時係出氣袋……
請記得，情侶之間不是得一種角色，演得活一個最佳情人，不代表你們之間沒有問題。
請嘗試用多種不同的角色去配合你另一半的心情，係多種角色！
如果你懂得那時用那個角色（懂得點出牌），你們的關係一定不差！

大家有冇其他看法？請指教。

Posted by 文盲 on March 13, 1998 at 20:08:26:

補習班

『鐺鐺…鐺鐺…鐺鐺…鐺鐺…鐺鐺…（邊個電話甘叫？）』廳的電話竟然會叫！
由於這種電話聲的處理人龍媽在旅遊中，所以電話難免冇人理。
『鐺鐺…鐺鐺…鐺鐺…鐺鐺…鐺鐺…（好聽啦，唔聽會後悔！』廳的電話仲叫緊。
龍終於頂不住這種他聽不慣的聲音，開始行去聽電話。
在房門口，他遇見鳳。他們決定猜包剪石，龍出剪，鳳出包，鳳行了一步。
鳳說：『唔好甘奸呀，三盤兩勝呀。』
『喂！』龍頂不住鳳的貪玩，聽了電話。
『未訓醒呀？』龍爸爸輕聲地問。
『係呀爸爸，你地點呀，好唔好玩呀？』龍清醒地問。
『不錯呀！剛剛見過了幾個很久不見的朋友！』龍爸爸開心地說。
『鍊鍊…鍊鍊…鍊鍊…（鳳電話呀！）』鳳的電話竟然在這時叫起來。
『喂？』鳳很快地聽電話。
『我係童謠馨呀！有緊要事呀！』童謠馨好緊急地說！
童謠馨是鳳的老死，由小學一年班開始相識，下年是龍的同班同學。
（這表示龍亦識了她九年了。）
外表和內心也像個可愛的兒童，一個冇機心的人，但怕事。
『你講丫！』鳳女俠正義地問。
另一邊龍正交代他們這幾天的生活。
『釘釘…釘釘…釘釘…釘釘…釘釘…（阿龍，有電話搵你呀！）』龍的電話大叫。
『唔係丫！個個電話都叫0架！』龍心內暗叫。
龍望一望鳳，鳳點一點頭，去了龍房內拿他的室內無線電話。
『喂，爸爸你講0左甘耐，比阿媽講下啦。』龍對長途電話說。
『好啦，答應你，點就打比我，係甘，拜拜。』鳳對童謠說並收了線。
『喂？』龍接了他的電話。
『點呀媽咪？』鳳接力了那長途電話。
另一邊，『阿龍呀，點丫，呢幾日好過嘛？』飛貓竟然找龍。
『冇呀，無無聊聊，做下功課甘啦。』龍冇心同飛貓講電話。
一來，不太熟；二來，飛貓是想找鳳的。
龍媽媽說完她們的近況便收線了。
鳳剛放下長途電話，『鍊鍊…鍊鍊…鍊鍊…（鳳電話呀！）』鳳的電話又叫起來。
『喂？』鳳接聽她的電話。
『喂，我係丁天雪，唔好意思，會唔會太早打比你？』一把很冰冷的聲音。
鳳這時望一望龍，他們同時做了一個動作（手先指一指電話，再指一指對方。）
『唔緊要！你打得算遲啦！』鳳也知道這電話不是搵他的。
他倆一起說：『等等！』雙方交換電話。
鳳那邊，飛貓又是問，有冇野做，有野做預埋佢。還有，聽下飛貓的女神既聲音！
龍問雪：『點呀？咩事？』
『點解係你既？點都好，我用完張地圖啦，想還比你。』雪冷冷地說。
『甘今日中午和你一起吃飯丫？』龍開心地問。
『好啦，十二點，我家樓下等，拜拜！』雪竟然甜甜地說！
『等陣見！』龍開心地收線，但覺得跌進了丁天雪陷井！
龍看看鐘大叫：『哇！十點都未夠！咩香港既學生唔洗返學都甘早起身0架！』
龍和鳳在廳躺了一會兒。
不久，龍起身了。
『去邊丫你？』鳳見龍預備去街問。
『補習社報名學電腦嘛！』龍說。
『等埋我先啦。我要等童謠馨呀。』鳳說。
『點解要等佢呀？』梳洗中的龍在廁所大叫。
『呀，唔記得講，剛才佢話有個親戚由內地來，攪到佢冇地方住，佢來住呀。』鳳復述。
『佢住幾耐呀？』龍開始換衫。
『佢住到開學0架。』鳳繼續說。
『甘耐？有冇講比爸爸媽媽聽？』龍開始穿鞋。
『講0左啦。你同阿雪食返食得開心啦！』鳳開心地大叫。
『你又知！甘你想唔想一齊去？』龍在門口停下來講。
『你帶齊野去補名啦，我自己攪得掂。今晚住埋你飯，拜拜。』
鳳推了她大佬出街，再關上所有門鎖。

龍看一看前方，再看一看自己隻錶，十一點五十九分。
歷史時刻來了，丁天雪早到一分鐘。
『你屋企個鐘壞0左！』龍驚訝地問。
『寸我呀你！不過唔好講比其他人知呀。』雪細細聲地說。
『我地去食西餐，我請呀！』龍扮說細細聲地說。
『喂，好貴0架，唔洗啦。』雪邊說邊打龍。
『食一次啦。』龍開始行。
雪亦冇意見，開開心心地和龍吃西餐。

兩個小孩在一張無敵海景的餐檯上吃午餐！
在埋完單之後……
『不如我夾番錢啦，甘貴！』雪擔心地說。
『想不到，你不是這樣的冷。』龍開心地說。
雪正常地望一望龍但冇出聲。
『你可唔可以同我去報名呀？』龍見雪唔講野。
『係邊0架？』雪冷冷地說。
『行啦！』龍開始行。

在去補習社之前，龍和雪行0左一陣商場。
去到補習社樓下大堂，一個高過雪個半頭；
高過龍一個頭的中國藉非州樣既男性正在等電梯。
不知怎麼原因，龍和雪越行得近個非州樣，
雪的身子便越躲在龍後面。
這時電梯門開了，他們大家一起進電梯。
雪仍然躲在龍身後，非州樣這時張開口笑，
說：『我唔係壞人，唔洗甘驚呀！』
龍笑一笑，雪依然躲在龍後面。
好不容易雪才等到電梯門打開，
原來大家也是去報名補習。
在報名其間得知那個非州樣都是讀電腦。
報完名後，雪在補習社左看右看，
直至非州樣走後先去等電梯。

龍送了雪回家後，便去了泳池練水。
練完水後，龍便和鳳回家吃童謠馨煮既番。
食飯間，由於大家太熟，只是望住電視食飯。
鳳頂不住這種悶，說：『哥丫，今日我同兒歌馨（童謠馨）去補名時見到個靚仔。』
『小鳳姐，你有冇興趣？』龍齒住件豬扒地說。
『佢不知幾熱心，差少少想幫埋人地填埋方（form)！』兒歌馨的語氣同龍和鳳係一樣既。
『甘有冇幫佢比埋錢？』龍見有得玩，不知幾開心。
『水龍頭，我小鳳姐先係你個妹，唔係兒歌馨！』鳳扮生氣地說。
『兒歌馨，個男仔點樣0架？好靚仔0架？』龍不理鳳的說話，繼續問兒歌馨。
『幾靚仔啦，不過個樣好奸，唔似好人。』兒歌馨扮客觀地說。
『你識0左人幾耐丫，同人講過幾多句野丫，你又知佢奸！』鳳抱不平地說。
『你識0左人幾耐丫，同人講過幾多句野丫，你又知佢唔奸！』龍和兒歌馨有如親兄妹。
『唔同你地講，我去洗碗先！』鳳知不敵，撤退。
『哈！哈！』龍和兒歌馨發出似笑非笑的勝利聲音。
這晚就在這些笑聲中渡過。

星期六，鬼甘早。
『阿爺，飲茶。』鳳幫爺爺倒茶。
『你係謠馨丫？越大越靚女0禾！』爺爺笑道。
『唔係，邊係呢！食個叉飽啦人地爺爺。』兒歌馨比爺爺讚得不知幾開心。
『講起叉燒飽，果陣日本仔打到去廣州………』爺爺開始想當年。
一小時後，
『你爸爸豆釘甘大。』爺爺終於口乾飲啖水。
『爺爺，我地不如埋單走啦，唔好0左住人地做生意。』龍終於有野講喇。
『好啦，你地幾時再搵爺爺飲茶？』爺爺問。
『下個星期六再同爺爺飲過啦。』鳳孝順地說。

行下街，星期六就過0左喇！

星期日，鬼死甘早。
『阿公，飲茶。』鳳幫公公倒茶。
『你係謠馨丫？越大越靚女0禾！』公公笑道。
『唔係，邊係呢！食個叉……小籠飽啦人地公公。』兒歌馨開心之餘，記得叉飽會另人講古！
『講起小籠飽，果陣日本仔打到去廣州………』結果小籠飽都係可以開始想當年。
一個半小時後，（公公果然利害，講多爺爺半小時。）
『你媽媽豆釘甘大。』公公終於口乾飲啖水。
『公公，我地不如埋單走啦，唔好0左住人地做生意。』龍照例講他唯一句說話。
『好啦，你地幾時再搵公公飲茶？』公公問。
『下個星期日再同公公飲過啦。』鳳一樣孝順地說。

行下街，星期日就過0左喇！

星期一是龍和鳳要返補習班的第一天，
他們準備吃完兒歌馨煮的午飯便出門口。
『哥丫，等陣分開去，分開返好唔好？』鳳淡淡地說。
『小鳳姐，點解丫？』龍扮冇野地問。
『小鳳姐丫，你係唔係十月芥菜丫？』兒歌馨應真地問。（係關心果種）
『你唔係驚人地當我係你男人丫？』龍亦都應真地問。
『你甘靚，人地實鍾意你既！』兒歌馨誠懇地說。
『唔洗驚丫，我幫你眼啦！我唔會比人蝦你既。』龍亦都誠懇地說。
『多謝你地丫！』鳳高興地說。
在鳳講多謝的時候，她和她的書袋己比人推出門口，還關上門了。
『我唔信我冇人要！』鳳自信地說。

在補習班房內，鳳和奸樣少年坐在一角，龍和非州樣坐在另一角。
放補習後，龍和鳳各自唔同路回家。

第二天補習，鳳和奸樣少年坐在一角，龍和非州樣坐在另一角。
龍發覺非州樣個人好好，開始有講有笑。
鳳發覺奸樣好關心佢，鳳十分開心。
放補習後，龍和鳳各自唔同路回家。

第三天補習，鳳和奸樣少年坐在一角，龍和非州樣坐在另一角。
龍得知非州樣叫雷霆雲（猛名），得知雷霆雲剛剛搬來這區。
鳳得知奸樣叫程景濤，他們開始交換個人資料。
放補習後，龍自己回家；程景濤送鳳一小段路。

第四天補習，鳳和程景濤坐在一角，龍和雷霆雲坐在另一角。
龍和雷霆雲開始交換個人資料，得知雷霆雲將會是鳳的同班同學。
鳳和程景濤繼續交換個人資料，程景濤還大大聲上堂講笑。
放補習後，龍自己回家；程景濤送鳳一段路。

第五天補習，鳳和程景濤坐在一角，龍和雷霆雲坐在另一角。
龍和雷霆雲繼續交換個人資料，得知雷霆雲和程景濤以前是同班同學。
鳳和程景濤繼續交換個人資料，得知程景濤將會是鳳的同校同學。
放補習後，龍自己回家；程景濤送鳳一大段路。

星期六，聽爺爺講了一小時古，行半日街，過了！

星期日，聽公公講了一個半小時古，行半日街，過了！

第六天補習，鳳和程景濤坐在一角，龍和雷霆雲坐在另一角。
龍和雷霆雲繼續交換個人資料，得知雷霆雲和龍一樣起愛打機。
鳳和程景濤繼續交換個人資料，程景濤表明自己冇女朋友。
放補習後，龍和雷霆雲去打機後才回家；程景濤送鳳一大大段路。

第七天補習，鳳和程景濤坐在一角，龍和雷霆雲坐在另一角。
龍和雷霆雲繼續交換個人資料，得知雷霆雲和龍一樣起愛戶外活動。
鳳和程景濤繼續交換個人資料，程景濤表明鳳是他心中所喜愛的那一類形。
放補習後，龍和雷霆雲去打機後才回家；程景濤送鳳一大大段路。

第八天補習，鳳和程景濤坐在一角，龍和雷霆雲坐在另一角。
龍和雷霆雲開始交換往事。
鳳和程景濤開始上堂嬉戲。
放補習後，龍和雷霆雲去打機後才回家；程景濤送鳳一大大段路。

第九天補習，鳳和程景濤坐在一角，龍和雷霆雲坐在另一角。
龍和雷霆雲繼續交換往事。
鳳和程景濤繼續上堂嬉戲。
放補習後，龍和雷霆雲去打機後才回家；程景濤送鳳一大大段路。

第十天補習，鳳和程景濤坐在一角，龍和雷霆雲坐在另一角。
龍和雷霆雲繼續交換往事，得知程景濤以前另雷霆雲不開心但不肯講什麼事。
鳳和程景濤繼續上堂嬉戲，程景濤得知雷霆雲也會是她的同校同學，開始講雷霆雲壞話。
放補習後，龍和雷霆雲去打機後才回家；程景濤送鳳一大大段路。

星期六，聽爺爺講了一小時古，行半日街，過了！

星期日，聽公公講了一個半小時古，行半日街，過了！
還未過星期日，龍爸媽終於再次打來。
『鐺鐺…鐺鐺…鐺鐺…鐺鐺…鐺鐺…』廳的電話叫了！
『喂？』鳳溫順地應電話。
『我係爸爸丫，應唔應得我把聲丫？』龍爸爸笑說。
『老豆，你冇野丫？你地幾時捨得返黎丫？』鳳正常地說。
『下星期一下午三點幾返到香港，唔洗接機喇！你問埋阿哥有冇野講？』龍爸爸說。
鳳望一望龍，龍搖搖頭。鳳再說：『冇喇，等你返黎，坐穩機丫！』
『甘好啦，拜拜！』
『拜拜！』鳳收了線。
『阿爸阿媽星期一返啦。』鳳向大家交代剛才的電話。
『不如下星期日玩番日丫！』兒歌馨見議。
『下午兩點開始？』鳳見議說。
『就甘決定啦，甘大家各自約人啦。』龍說。
兒歌馨開始在廳『發』電話。
龍和鳳各自回房。
龍在鳳臨關房門時說：『妹妹，我覺得程景濤唔係好人。』
『得啦哥哥，我自己會小心0架啦。』鳳笑住甘關門。

第十一天補習，鳳和程景濤坐在一角，龍和雷霆雲坐在另一角。
龍和雷霆雲繼續交換往事，得知程景濤和雷霆雲不開心因為–女。
鳳和程景濤繼續上堂嬉戲，繼續講雷霆雲壞話。
放補習後，龍和雷霆雲去打機後才回家；程景濤送鳳一大大段路。

第十二天補習，鳳和程景濤坐在一角，龍和雷霆雲坐在另一角。
龍和雷霆雲繼續交換往事，得知程景濤和雷霆雲不開心還因為程景濤出買朋友。
鳳和程景濤繼續上堂嬉戲，繼續講雷霆雲壞話。
放補習後，龍和雷霆雲去打機後才回家；程景濤送鳳一大大段路。

第十三天補習，鳳和程景濤坐在一角，龍和雷霆雲坐在另一角。
龍和雷霆雲繼續交換往事。
鳳和程景濤繼續上堂嬉戲，繼續講雷霆雲壞話，
還竟然開始話龍唔係好人（因為龍坐在雷霆雲身旁）。
放補習後，鳳拉住龍表明龍是她大哥，
還大聲叫：『龍是好人！唔係好人果個係你丫！』
之後，龍、鳳和雷霆雲去打機後才回家；
程景濤唔知死0左去邊！

第十四天補習，程景濤坐在一角，龍、鳳和雷霆雲坐在另一角。
龍、鳳和雷霆雲開始交換往事和嬉戲。
程景濤開始單獨地上堂。
放補習後，龍、鳳和雷霆雲去打機後才回家。程景濤話知佢死啦。

第最後一天補習，程景濤坐在一角，龍、鳳和雷霆雲坐在另一角。
龍、鳳和雷霆雲繼續交換往事和嬉戲。
程景濤繼續單獨地上堂。
放補習後，龍、鳳和雷霆雲去打機後才回家。程景濤，佢係邊個？

星期六，聽爺爺講了一小時古，行半日街，過了！

星期日，聽公公講了一個半小時古。
之後，他們三人邊回家準備他們的『龍爸媽回家前狂玩派對』。

-待續-

Posted by 文盲 on March 16, 1998 at 19:12:38:

從前有個公主，在一次偶然既機會和一位年紀相若少年俠士相處了幾天。
經過幾天後，公主覺得少俠好好人，對她很好，係一個可以相守到老的伴侶。
不，公主覺得她和少俠是天生一對，係天作之合。
公主在少俠要離開時問：『少俠你喜歡我嗎？』
少俠真誠地回答：『公主殿下是這麼的可愛，我當然喜歡啦！』
公主高興地說：『我等你下次來探我！』

從始以後，公主便不再理會她那群裙下之臣，而每個月少俠也來探望公主……

三年之後，少俠對公主說：『小人會在本月十日便會成親了，不知公主會否到賀？』
這時，公主就像被人推了落山崖一樣，這三年來朝思暮想的情郎要和另一個女子成親了。
定神一會後，公主淡淡地說：『不了，我不想出宮。』

這天以後，公主開始久不久理會她那群裙下之臣，甚至開始談起戀愛來。
每次她和她的男朋友發生問題，她便會想起從前她心愛的少俠怎樣好。
最近，她更為那少俠想好了為甚麼不娶她為妻子，其實少俠是深愛她的！
這幾年間，公主和她的男朋友一發生問題便分手，始終沒有一個有結果。

國王終於看不過眼了，他打聽公主這幾年來發生的事。
明白了之後，國王對公主說：『這幾年來，你說你談什麼戀愛！
老是心不在焉，跟本不愛那些人，為什麼和他們開始？
你鐘意既只係一個夢，一個不會發生的夢！你要明白，發夢係要醒！
你嘗試讓自己停下來，不是一天、不是十年，而是當你不再發展你的夢的時候，
發展你的生活圈子，不要只顧找男朋友，你定可在茫茫人海中發現你生命中的另一半，
而不是你夢中的另一半。你想想我的說話，明白那天你就會多謝我！』

『果位對住電腦既公主！聽下國王話啦！』

Posted by 文盲 on March 05, 1998 at 22:13:45:

無父母的日子

『再見！』龍扮誠意地說。
『拜拜爸爸，拜拜媽媽。』鳳扮不捨地說。
『你地自己小心照顧自己！』龍媽說。
『有咩時搵其他親戚幫手呀，我地得閒會打番屋企比你地。』龍爸說。
『拜拜！』『拜拜！』『拜拜！』『拜拜！』『拜拜！』……
一對獲得一個月自由的兄妹，開開心心地離開機場，回家去。

龍和鳳回家後只不過是六時許，但己經吃了晚飯一小時多了。
那餐暫別晚飯，龍一家也不是吃了很多，不是食飯時間嘛！
龍和鳳到了食飯時候，食了飯，有什麼好做？
不太愛看電視的他們決定在家搵野玩！
他們房中的玩意經過一星期的運作，己經變成房間的裝飾品了。
他們叫來作客藉家庭成員的又未到！
龍和鳳便向貯物房進發。那兒是龍和鳳全不靈通的一角。
他們打開門，將所有箱子打開，驚喜之聲叫過不停。
箱子內不是金銀珠寶，不是什麼新鮮東西，
而是他們以前玩過話掉的玩具，原來龍媽沒有掉到！
一件一件令他們十分開心的小玩意，
一個一個使他們難以忘懷的小片段。

龍和鳳浮沈在他門的記憶之中，直至八時許。
他們開始拿這些玩具出來玩，他們發現很多不同種類的玩具。
鳳將所有毛公仔搬回她房；龍將所有車仔搬回房。
突然間，他們很想玩浴缸玩具，但係冇理由兩個人係個浴缸來玩！
『哥哥，我地不如明天去沙灘玩啦？』鳳幼氣地問。
『唔洗，換泳衣。』龍神氣地答。

三十分鐘後，龍和鳳出現在離他們家不遠的公園內出現。
『死仔，搵鴨仔擲我？睇飛機呀！』鳳接住水鴨仔並擲出飛機。
『飛機？睇水呀！』龍將水渤向鳳。
他們在公園的水池內玩他們的浴缸玩具，
這兒四下無人，原因不是夜，而是這個水池只開放日間。
『你唔係真係游水呀？』鳳驚訝問。
『甘大個浴缸，點解唔浸下水！』龍自在地說。
『如此 年代 滿障外
人生 如夢 像戲一台
驟眼望幾許悲幾許得失 沒法主宰
溜向每一點生命與真愛……』大時代？？？
棋王是鄭少秋迷，所有有關秋哥既野，佢到會記在心頭。
『棋王，唔該唔好唱啦！』龍向棋王打招呼。『黎唔黎游番轉呀？』
『唔喇，喂！話時話小鳳姐，你唔驚濕晒身，俾咸濕佬望呀？』棋王誠實地說。
『唔驚，你大佬水龍頭叫0左我打底喇！』鳳邊說邊揭起件衫。
『得…得…走未呀？』棋王問。
『等多陣先啦。』龍說。
『水龍頭，咪等啦！』棋王說。
『多謝水龍頭！棋王，學下做男仔啦！』這把女聲鏗鏘可人。
這把聲的女主人，可愛、機靈、富同情心，外表甜美但久唔久會全冇主見。
『石風鈴，乜你又學埋丁天雪甘凡事遲五分鐘呀！』棋王冷冷地說。
『遲0左少少，唔洗甘講野丫。』風鈴辯護。
鳳望一望龍，龍說：『行喇，幫手拎野啦。』
四人拾好浴缸玩具後便回龍和鳳之家。

廚房內，棋王看著風鈴的蓋世神功。
『你都煮得好快！有冇野要幫手丫？』棋王說。
『唔洗喇，你想唔想食丫？』風鈴問。
『唔洗喇，我剛剛食完飯！』棋王說。
『喂！水龍頭、小鳳姐食得喇！』風鈴大叫。
風鈴把她煮的東西叫棋王拎出廳，自己拿飲品。
『哇，好香丫！』龍在他自己房內大叫。
『哇，唔係丫！』鳳在望見食物後大叫。
『咩事？』龍正向食物放向行去。
『點丫水龍頭，合唔合心意？』風鈴跳皮地問。
『喂，我都有份食0架，唔洗理我感受0架啦！』鳳不滿地說。
『小鳳姐，兩老死，係唔係甘講野丫！』風鈴不滿地說。
『火腿炒蛋，煙肉炒蛋，芝士炒蛋，好味道。』不知不覺，龍己經吃完了。
『唔係炒蛋丫，係 omelette, you know？』風鈴生氣地說。
『得…得…』龍回應。
吃完野之後，他們玩傳統玩意–四方城。
龍和鳳就這樣過了他們第一個自由的晚上。

次日早上，大家開始想起功課這問題。
『今年得有四份功課，點分先？』最勤力的風鈴問。
『我地有寫毛筆字三篇，閱讀報告一份，
英文文法練習30個和數學練習30個。』棋王點算好了。
『閱讀報告就自己做。其餘的就一個人寫毛筆字同煮飯，
其他人每人做廿個練習啦。』龍分配工作。
各人也同意後，鳳說：『甘邊個想煮飯呢？』
『等我黎啦！』風鈴自信地說。
『我幫你買菜啦。』棋王說。
『我地可以係你地去練水果陣去買菜。』風鈴向龍和鳳說。
『就甘決定，做野！』龍向大家說。
大家開始做功課。

龍和鳳去完練水回來。
『有得食哪！』風鈴坐在餐台上大叫。
『四菜一湯，白飯任裝！』棋王說。
『哇！好正丫！』鳳大叫。
『哇！好溫暖丫！』龍叫完後立即坐下。
『各位食飯！』鳳埋位後大叫。
想不到，年紀輕輕的風鈴竟然煮得一餐好飯！
吃完飯後，大家便看著電視搵野玩！
昨晚玩完20圈四方城，己經覺得想死。
今晚我們拿了張嬰兒地氈來玩，這張地氈上有一至十八的數字。
玩法是用三枚骰子擲個數目，然後將一枚硬幣擲向那數字上，
如果枚硬幣可停在那數字上的範圍內，那範圍內的硬幣便可全數拿回。
這遊戲可以冇止境地玩，要停止這遊戲的方法是，設定完結的時間。
遊戲完結的時候，只要將剩下來滿地皆是的硬幣平分便可。
這是玩完後，臨訓前的一段對話：
『贏定輸呀？』
『唔見左成五十蚊呀！』
『玩成晚，五十蚊唔貴呀！』
『話時話我都唔見十五蚊呀！』
『我都唔見廿三蚊呀！』
『咦！我都唔見十七蚊呀！』
『甘便個贏呀？』
『甘邪！唔好講喇，訓啦！』
這天晚上除了輸了五十蚊的棋王外，各人都很快訓著，並笑得很甜。

第二天，大家如常地做功課。
想不到大家合做的功課己經做完了，己經到互抄的階段。
晚上，大家吃著風鈴煮的美味意粉。
『今晚開始唔玩錢啦好唔好？』棋王說。
『你輸好多呀？』龍問。
『唔好啦，黑仔丫！』棋王說。
『好啦好啦，放過你啦！』鳳說。
『甘今晚玩咩丫？』風鈴問。
『風鈴，今晚玩煮飯仔，襯妳！』龍跳皮地說。
『小鳳姐，乜妳以前都玩這些甘真實既遊戲0架？』棋王亦跳皮地說。
這兩個話玩煮飯仔真實既人被迫洗真實既碗！
洗完碗，鳳說：『我地今晚不如玩捉呀？』
『你講真0架？』棋王問。
『屋企甘細，出街玩啦！』龍說。
『去商場玩啦！』風鈴說。

在商場門口，鳳說：『我地分成兩隊，一隊由頂樓開始。』
『另一隊由地下開始！我要同小鳳姐一隊0架！』風鈴說。
『記住呀，唔可以離開商場！』棋王說。
『捉到點先？』風鈴說。
『請食宵夜啦！』棋王說。
『好，就甘決定啦。棋王我地上頂樓。』龍說。
『如果真係唔見，十點這兒等！』鳳說。
大家在電梯門口分別。
入電梯後，棋王說：『我地在女廁門口捕佢地啦。』
『你唔係呀，你真係以為係玩架？』龍不相信地問。
『唔係玩捉咩？』棋王不明地問。
『佢地現在應該去緊超級市場，之後返屋企。』龍自信地說。
『你點知呀？』棋王問。
『唔信就跟住黎！』龍十分自信地說。

超級市場內，女性用品果行。
『你估佢地知唔知呀啦？』
『唔會丫，佢地唔似知道呀！』
『知都冇計0架啦，鬼叫我地又要用咩！』
『你呀，買定多少少嘛。』
『得啦，買完快少少走啦，仲要返商場0架！』

在超級市場對面的草叢中。
『見唔見呀！』
『你都未講你點知！』
『你請我飲野先啦！』
『我地買杯野飲在商場門口捕佢地啦。』
『你係唔係唔贏唔開心先？放過佢地啦，尷尬0架！』
『尷咩尬呀？唔贏都得，你話我知先啦！』
『風鈴今日成日都搵隻手按住小腹。』
『明晒，去飲野啦！我請！』

十時正，大家在商場門口集合去食宵夜。
『現在甘熱，去食水果甜品好呀，夠涼！風鈴，你最鍾意0架啦！』棋王跳皮地說。
鳳望一望風鈴說：『唔好啦，去食燉蛋，我想食呀！』
『食燉蛋呀！行啦！』龍推棋王去。

第三天，他們未完成的功課只餘下閱讀報告。
他們決定去圖書館借書。
這份閱讀報告唯一的規限是一本一百頁以上的中文書。
選擇了五分鐘之後，大家也有結果了。
龍的選擇是小紅帽，
鳳的選擇是白雪公主，
棋王的選擇是青娃王子，
風鈴的選擇是雪姑七友！
分別是，一百零五頁、一百零三頁、一百零七頁同一百一十一頁。
小鳳姐的白雪公主勝！

龍和鳳練完水回來，吃著風鈴煮的西餐。
吃完這美味的西餐後，大家決定再去公園水池，玩水槍！
鳳和風鈴去換衫。
風鈴問：『你有冇多一件泳衣？』
鳳打開衣櫃，風鈴驚叫：『哇！你洗唔洗呀，十幾件泳衣。』
『你夠有好多好多衫啦，我多泳衣有咩奇呀？』鳳說。
『你揀完就在我房換啦，我去廁所換！』鳳再說。

棋王將水槍分給各人，這晚的遊戲便開始。
棋王和龍合力將鳳射濕；鳳極力向棋王反擊，風鈴亦向棋王猛射！
與此同時，龍正在水池上彈；風鈴見龍上彈，便上前追擊。
龍轉身便逃，風鈴緊除其後。
另一邊，鳳和棋王的一公升彈藥己經用完。
鳳和棋王相相在水池上彈，這時鳳說：『我地應該聯手！』
『點呀隊友！不如我地甘啦，我上好彈之後，我向佢地走，你追住我。
跟住一齊射水龍頭啦！』棋王奸笑地說。
棋王立刻便向龍跑去，鳳便跟在其後，不時射下棋王。
龍和風鈴見棋王跑向他們，龍和風鈴便從另一條路跑向水池上彈。
狼死的棋王近距離狂射龍和風鈴。
就在這時鳳一手推了她的隊友落水，還說一句：『過份！』過份？！
龍望一望風鈴，他們將剛推完棋王落水的鳳順勢一推。
龍和風鈴轉身便跑，他們在長椅後停下來，狂笑！
這時鳳和棋王己經靜靜地行去長椅前，準備向龍和風鈴反擊。
鳳和棋王突然向龍和風鈴攻擊，但……龍和風鈴不見了。
鳳和棋王便四處找尋。

燉蛋店內。
『我地幾時返去搵佢地丫？』風鈴問。
『食完便返去啦，等佢地搵一陣啦！』龍笑說。
突然間！
『點呀水龍頭！』鳳問。鳳？
『點呀風鈴！』棋王說。棋王？
『甘有緣呀！』風鈴驚駭說。
『食野食野！』龍扮正常地說。……

第四天，大家一清早便開始做功課了。
下午時分，大家己經將所有功課做完。
棋王和風鈴要回家了，他倆不捨地離去。
晚上，龍和鳳在飯堂吃飯。
這時他們想的是風鈴煮的菜和棋王的聲音。

-待續-