Posted by 遊龍 on March 04, 1998 at 18:10:39:

“手查” 的士有樣0野好，唔使受到路線0既限制，你永遠唔會知道你下一個客會去邊度
(害群之馬揀客者除外)你亦都冇得選擇，好做你又要去，唔好做你都要去；今日就整
單唔好做0既”柯打”喇，有個客由深水灣上車叫我車佢去南灣道五十幾號………
咦？南灣道五十幾號？咪0的行家成日提起0既”基佬竇”？我個人本身對任何人都唔存在
歧視，包括對方0既性取向，咁有0的人叫佢地做”基佬”都唔算係侮辱佢地0既，我唔覺得
有0的咩唔妥0既，祗係英文譯音0者，言歸正傳，果個客落車後，跟著有四個「人」上車，
一個坐前面，三個坐後面，果四個「人」上車後我架車當場有好濃烈0既香水味，香到我
完全頂唔順果隻，即刻攪低隻窗然後問：「幾位去邊呀？」(我到現時都未能界定佢地係
男定女)，「哥哥仔，你話去邊咪去邊囉！」一把吊高了嗓子的聲音從後座傳來，如果說
話的是一位女士那也算了，但那都是比較難聽的聲音，偏偏說這話的是一個正努力地扮作
女聲的麻甩佬，(我終於知道佢地係男人喇…)，聽後頓覺毛髮直豎，接著坐在前座那位
亦嬌聲嗲氣地說：「你地好衰0架！唔好玩人啦，司機哥哥仔我地想去蘭桂坊啊！」，
「哦……」我強作鎮定地問：「行香港仔隧道定司徒拔道呀？」，「嘻嘻，隨你鐘意啦
司機哥哥仔。」前座那位說時並一手輕放在我的大脾上，我呆了呆，心裏說不出的難受，
心想我”手查”的士0者你估我做咩咩0架？隨之而來的是一顆有著男性尊嚴的心，我以少少
怒目的對著前面那位乘客說：「0拿！先生你講0野就還講0野，唔好將隻手放到我大脾上，
我驚我萬一忍唔住……所以而家特登通知聲你。」，「0下？忍唔住？忍唔住咩呀？」，
「我驚忍唔住打鑊你囉！」，「哈哈哈….司機哥哥仔你真係識講笑0架喇。」後座另一名
打扮美艷的男士開腔了，「你唔係真係會打我0架可？」那位坐在前座而又經常令我覺得討
厭的漂亮男士的手又再次放到我的大脾上了…..我開始將車速減慢了，並停在一旁……
之後我發現有人流鼻血了…….。