Posted by 遊龍 on March 04, 1998 at 18:11:50:

香港地有所謂住洋樓養番狗，即係話起碼要有0的錢0既人先養得狗啦，公屋居民
就唔養得喇，我唔係睇唔起公屋居民，因為根據條例公屋居民係唔可以0係屋內養
狗0既，原來香港地幾乎咩0野都有例0既，好似我地的士呢行啦一樣有好多例要遵
守0既，好似話唔可以拒載呀，唔可以揀客呀咁，有0左呢0的例如果又有人遵守的
話，咁就冇咁多人投訴啦，不過的士例唔單止係保障乘客0既。
今日0係渣甸山睦誠道接0左兩個客，首先上車0既係英國曲架﹝懶係名種但依然係
狗一隻﹞跟住上車0既係一個中年胖子，「司機，中環維德廣場丫！」，「哦….
好0既，先生拍硬檔將你隻狗抱好或睇實佢先啦。」，「唔……」咁果位先生就
將佢隻狗放0係後排座位與尾玻璃之間0既平台度，「先生，隻狗0係果度行0黎行去
好影響我睇後面0的車0架！」，「嘩！乜你咁煩0架，”手查”你0既車啦。」我聽後
心中有氣，我就對佢講根據的士條例我可以唔載你同你隻狗0架，因為其中有一條係
話如果0的狗冇帶口罩可以唔接載0架！我驚佢咬我呀！咁果個肥佬﹝即係頭先我話
果個中年胖子﹞唯有死死氣地將佢隻畜牲﹝即係先前提及0既曲架﹞抱住；到達維德
廣場，咁我就照的士錶顯示0既價錢再加上五蚊﹝因為係要收隻狗五蚊0既﹞，「有冇
攪錯呀？冇端端收多我五蚊？」，「先生唔係喎，你隻狗係要加五蚊0架，冇錯0架喇，
唔通大人大姐呃你五皮咩？」，「我搭咁耐的士隻狗都未俾過錢，都唔知係唔係0既？」
我聽後有點不悅道：「如果你隻畜牲搭車識得俾錢就掂晒啦，仲使做咩？」