Posted by 愛蓮 on March 07, 1998 at 19:17:56:

上個星期五,六同呢個星期一至四都返足十二個鐘頭工…
OT 補水? 你就想!….而家連補假都冇埋喇唉…
得晏晝食lunch o個一個鐘可以抖抖…
好辛苦呀……以前都未試過一連幾日返十二個鐘頭工…
尋晚好少少啦,不過都成十一個鐘頭…
之後去同朋友睇貓屎先生笑下減下壓…
好睇呀…積尼高遜真係叻到連佢o的皺紋都識做戲o架…
睇完戲個人真係輕鬆o的o既…
而家係星期六晚上七時正, 我就仲o向公司過緊帶……
過埋佢就走人囉…

好[支力]呀…….

尋日同今日朝早都唔知醒, 遲左十分鐘返到公司…
好彩老細冇詐我型…
佢試下詐我型丫o拿, 我實詐番佢地o架…
其實佢地唔會o既…鬼咩, 得我呢個伙記識中文…
不過兩個老細都o向香港, 有時真係嗌到我[做鬼都唔靈],
恨不得即刻變成一隻三頭六臂做起晒o的o野然後一腳攆兩個老細返英國:P…
(雖則佢地其實待我都不薄,不過做o野辛苦好自然係想搵老細出氣啦:P…)

啦啦啦啦啦啦…哇哇哇哇哇哇哇…嗚嗚嗚嗚嗚嗚嗚嗚….
……(開始精神失常了)……

/me 口吐白沫昏倒了…

(平日賴係扮晒好文藝o既愛蓮都有佢好現實o既一面……)