Posted by 頑石 on April 16, 1998 at 13:39:06:

今日好開心。尋日唔知發咩神經，終於鼓起勇氣打電話俾某某。
兩個月黎，第一次通電話，電話中聽見佢開朗左好多，我就約
佢今日一齊食早餐，佢竟然一口答應，我就鬆一口氣！

今日0係大家樂見到佢，佢肥左好多。心諗人地越捱越廋，佢就
越捱越肥，呵呵呵！食早餐0既時候，我地傾左好多野，都係近
況之類，但係個感覺好好！好似見番一個好耐冇見0既老朋友。
我初頭重擔心會好尷尬，點知原來係多餘！短短半個鐘頭傾0既
野，仲多過我地一齊時候講0既野，真係好！好顯然我地做朋友
好過做情侶！但係點都好，我好開心！佢重應承我會多0的見面
！見佢凝神望住我，跟住話我個樣冇乜點變，真痴線！兩個月之
麻，變得幾多丫！

發完癲喇。。。又係0個句。。。祝君安好，放開懷抱！ ^_^