Posted by 遊龍 on September 09, 1998 at 17:26:04:

日日楂住架的士係咁兜，有時真係好悶o架，尤其係楂夜更o既的士佬添，想話
輕輕鬆鬆o向屋企睇下電視，簡直就係夢想，最多咪睇下報紙以及聽下收音機，
有時有好多好睇o既劇集，我地都冇乜機會可以望下咯，呢輪睇報紙發現”亞兜”
電視以微薄代價，o向東瀛請o黎幾位肉騰騰o既東洋波女，為佢地o既一個選美
美節目助勢，就因此搞到o的報章雜誌日日大篇幅報導，而其中一個東洋波女仲
搞到飛 Bra 走奶添，認真搞o野，電視台又話呢次係意外，波女又顯得鬼咁專業
地拿拿臨執番個 Bra，係咪真係意外呢就真係見人見智咯。
班東洋波女o黎香港都係參與一個名為咩咩中日乜鬼大激鬥，本來諗住呢o的節目
，我都冇乜機會睇o架喇，真係唔使做咩？又咁o岩得咁”橋”架的士要大驗，冇啦
啦多o左兩日假，咁就順理成章以為可以睇睇搞咩啦，丫！又好衰唔衰有個好耐冇
見o既朋友約食飯，果個朋友又盛意拳拳咁，o向推無可推下答應赴約去食飯囉，
至於果個節目，唯有錄起佢等返o黎先睇啦，我求其搵o左餅唔知幾時o既影帶，設
置定時錄影後就走去應約食飯，朋友聚舊都係吹一輪水就散 Band 走人o架喇，返
到屋企興致勃勃地開著部錄影機，觀看所謂中日咩鬼大激鬥，只見班東洋波女個個
乳波臀浪咁走o黎走去，拍住班”亞兜”小姐有咩辦法唔殺晒丫？不過睇得兩睇發覺
都好悶o者，睇十分鐘同睇晒整個節目分別不大，都係得果兩團肉係咁盪來盪去，
好不容易先”捱”完整個節目，期間又快速搜畫又盛，之後我餅帶就播番以前所錄o左
o既o野，發現原來係劉德華幾廿年前果套「獵鷹」，反而就咁一睇就睇o左兩個鐘頭
，唉！雖然套劇係就係舊o的，但我都係認為劉德華好o的咯……………。

又整番首打油詩先：-

魔女應邀為演波，傳媒雜誌報導多，
泳池玩耍齊穿梭，波濤洶湧兼露欏，
兩團巨肉任觀摩，了無新意係咁拖，
浪費時間來消磨，番睇舊劇好得多。